ᓄᓇᓕᕆᓂᕐᒥᒃ ᐊᒻᒪᓗ ᐃᓪᓗᔪᐊᓕᕆᓂᕐᒥᒃ ᐊᒻᒪᓗᓄᑕᐅᓯᓕᕐᑎᕆᓂᓕᕆᕕᒻᒥ ᑐᑭᒧᐊᑦᑎᓯᔨ/
Real Estate/Immobilier

ᐱᓇᓱᓐᓂᖅ ᐃᓪᓗᓕᕆᔨᒃᑯᑦ ᐊᓪᓚᕕᖓᓂ ᓄᓇᕕᒻᒥ ᐃᒫᒃ ᑐᑭᓕᒃ…

ᐃᓱᕐᕆᓇᕐᑐᓂᒃ, ᐊᑦᑕᓇᕐᑐᒦᓐᓇᖏᑦᑐᓂᒃ ᐃᓪᓗᖃᕐᑎᓯᓂᖅ ᐃᓄᑐᐃᓐᓀᑦ ᐃᓗᕐᖁᓯᖓᓅᓕᖓᓕᕐᑎᓯᒪᔪᓂᒃ. ᐱᓇᓱᓪᓗᓂ ᐊᑦᔨᐅᖏᑦᑐᒥ
ᐅᑭᐅᕐᑕᑐᒥ ᐊᕙᑎᒥ, ᐅᓪᓗᑕᒫᑦ ᐃᓅᓯᐅᑉ ᐋᕐᕿᑕᐅᕕᒋᔭᖓᓂ ᓄᓇᒧᑦ, ᐃᓅᖃᑎᒌᑦᓯᐊᑐᓄᑦ ᓄᓇᓕᓐᓄᑦ, ᐊᒻᒪᓗ ᑲᑐᑦᔨᒍᒪᑦᓯᐊᑐᓄᑦ.
ᐃᓚᐅᒋᑦ ᐱᓇᓱᖃᑎᒌᑦᑐᓄᑦ ᐊᖏᕐᓯᒪᔪᓄᑦ ᐱᐅᓯᒋᐊᕆᓂᕐᒧᑦ ᐃᓪᓗᐃᑦ ᖃᓄᐃᓐᓂᖏᓐᓂᒃ, ᐃᑲᔪᕐᓯᓗᑎᒃ ᑐᕃᓐᓇᑐᒥᒃ
ᖃᓄᐃᖕᖏᓯᐊᕐᓂᖏᓐᓂᒃ ᐃᓄᑐᐃᓐᓀᑦ ᓄᓇᖃᕐᑐᑦ ᖁᓕᓪᓗ ᓯᑕᒪᓪᓗᓂ ᓄᓇᓕᓐᓂ, ᐊᒻᒪᓗ ᐊᑐᕐᓗᑎᑦ ᐱᓪᓗᑯᒋᐊᓕᑎᒍᑦ
ᖃᐅᔨᒪᓂᑎᓐᓂᒃ ᓄᐃᑕᓪᓚᕆᑦᑐᓂᒃ ᐊᒻᒪᓗ ᐊᑯᓃᓚᖓᓗᑎᒃ ᓱᕐᕃᓗᑎᑦ.

ᑮᓇᐅᑦᔭᓵᑦ ᐊᒻᒪᓗ ᐱᕙᓪᓕᖁᑏᑦ

• ᐊᕐᕌᒍᓕᒫᒥᒃ ᑐᖕᖓᕕᓖᑦ ᑮᓇᐅᑦᔭᓵᑦ $114,924-ᓂᑦ $140,152-ᓄᑦ, ᒪᓕᑦᓱᒋᑦ ᐱᓇᓱᑦᓯᒪᓂᖏᑦ, ᑐᖕᖓᕕᓖᑦ 35-ᓂᒃ
  ᑫᕙᓪᓚᒍᓯᕐᓂᒃ ᐱᓇᓱᐊᕈᓯᓕᒫᒥ
• ᑲᑎᑦᓱᑎᒃ ᐊᑭᓕᕐᑕᐅᒍᑎᖏᑦ ᐃᓚᖃᕐᓱᑎᒃ ᐃᓅᒐᓱᐊᕐᓂᐅᑉ ᐊᑭᑐᔫᓂᖓᓄᑦ ᐃᑲᔪᕐᓯᒍᑎᓂᒃ ᐊᒻᒪᓗ ᓂᕿᓯᒍᑎᓄᑦ ᐃᑲᔪᕐᓯᒍᑎᓂᒃ,
  ᒥᑦᓵᓃᑦᑐᑦ $130,811-ᒥᑦ $156,039-ᒧᑦ ᐊᕐᕌᒍᑕᒫᑦ
• ᐊᓯᑦᔨᑲᑦᑕᕈᓐᓇᑐᑦ ᐱᓇᓱᓐᓂᐅᑉ ᐅᓪᓗᖏᑦᑕ ᐃᓂᓪᓚᑕᐅᒪᓂᖏᑦ (ᐊᑦᔨᒌᖕᖏᑐᑦ ᑫᕙᓪᓚᒍᓰᑦ), 35-ᒥᑦ 40-ᒧᑦ ᑫᕙᓪᓚᒍᓰᑦ
  ᐱᓇᓱᐊᕈᓯᑕᒫᑦ.
• ᐊᕐᕌᒍᑕᒫᑦ ᖃᖓᑦᑕᐅᑏᑦ ᖃᖓᑕᓂᑎᓐᓄᑦ ᐊᑯᓐᓂᖓᓂ ᑰᑦᔪᐊᑉ ᐊᒻᒪᓗ ᐊᓯᓕᒫᖏᑦ ᑯᐯᒃᒥ ᓄᓇᓖᑦ
• ᐃᓪᓗᖃᕐᑎᑕᐅᓂᖅ ᒪᓕᑦᓱᒋᑦ ᒫᓐᓇ ᒪᓕᒐᐅᔪᑦ
• 35 ᐅᓪᓗᐃᑦ ᑕᙯᕐᓯᓀᑦ
• 16 ᑭᑲᕐᕕᐅᓚᕆᒋᐊᓖᑦ ᕿᑲᕐᓀᑦ
• 12 ᖃᓂᒪᒧᑦ ᕿᑲᕐᓀᑦ
• ᓄᐊᑦᓯᐅᒐᕈᓐᓇᓂᖅ ᓴᓂᕐᕓᓗᓂ 70-ᓂᒃ ᑫᕙᓪᓚᒍᓯᕐᓂᒃ (10 ᐅᓪᓗᐃᑦ)
• ᐱᓇᓱᖃᑎᒌᑦᑐᑦ ᐃᒻᒪᖃᐅᑎᖏᑦ ᐊᒻᒪᓗ ᐃᓄᑐᖃᐅᓕᕈᓂ ᐱᓇᓱᒍᓐᓀᓂᕐᒧᑦ ᐸᕐᓇᓯᒪᐅᑏᑦ ᐱᓇᓱᕝᕕᒃ ᐃᑲᔪᕐᓯᑎᓪᓗᒍ
• ᐊᕐᕕᑕᕐᓂᒥᒃ ᐱᕕᑦᓴᖃᕐᓂᖅ ᖁᓕᓪᓗ ᐱᖓᓱᓪᓗᓄᑦ ᐊᓯᖏᓐᓄᑦ ᓄᓇᓕᓐᓄᑦ ᓄᓇᕕᒻᒥ ᐃᓚᒋᔭᐅᑎᓪᓗᒍ ᐱᓇᓱᒐᑦᓴᑎᓐᓄᑦ

ᐃᓚᒋᔭᐅᓗᑎᑦ ᐱᓇᓱᖃᑎᒌᑦᑐᖁᑎᑦᑎᓄᑦ, ᐊᑑᑎᓚᖓᔪᑎᑦ ᐱᓇᓱᖃᑎᒌᑦᓯᐊᓂᕐᑕᓕᒻᒥᒃ ᐊᒻᒪᓗ ᐱᕙᓪᓕᓇᕐᑐᒥᒃ ᐱᓇᓱᕝᕕᒥᒃ

ᑲᒪᒋᔭᑦᓴᔭᖏᑦ

• ᐱᔭᖃᕋᓱᐊᕐᓗᓂ ᐱᔭᖃᕋᓱᐊᕐᓂᒧᑦ ᐸᕐᓇᓯᒪᐅᑎᒃᑯᑦ ᑐᕌᒐᕐᓂᒃ ᐃᓕᖓᔪᓂᒃ ᐊᐅᓚᑕᐅᓂᖏᓐᓄᑦ ᐊᒻᒪᓗ
  ᓄᑕᐅᓯᓕᕐᑕᐅᓂᖏᓐᓄᑦ ᐃᓪᓗᐃᑦ.
  ᖃᓄᐃᓕᖓᓂᖓ ᐊᑌᓐᓇᑐᖅ/ᐅᓪᓗᓕᒫᕐᑎ (35 ᑫᕙᓪᓚᒍᓰᑦ)
  ᐱᒍᑦᔨᕕᒃ ᓄᓇᓕᕆᓂᕐᒥᒃ ᐊᒻᒪᓗ ᐃᓪᓗᔪᐊᓕᕆᓂᕐᒥᒃ ᐊᒻᒪᓗ
  ᓄᑕᐅᓯᓕᕐᑎᕆᓂᓕᕆᕕᒃ
  ᐊᖓᔪᕐᖄᖓ ᑲᒪᔨᒻᒪᕆᒃ
  ᑲᒪᒋᔭᖓ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ, RER
  ᓇᓃᓐᓂᖓ ᑰᑦᔪᐊᖅ
  ᓄᓇᓕᕆᓂᕐᒥᒃ ᐊᒻᒪᓗ ᐃᓪᓗᔪᐊᓕᕆᓂᕐᒥᒃ ᐊᒻᒪᓗ
  ᓄᑕᐅᓯᓕᕐᑎᕆᓂᓕᕆᕕᒻᒥ ᑐᑭᒧᐊᑦᑎᓯᔨ
• ᐃᓂᓪᓚᓯᒪᓂᓕᐅᕐᓗᓂ ᐊᒻᒪᓗ ᐊᑑᑎᔭᐅᒋᐊᓕᓐᓂᒃ ᐱᓇᓱᐊᕐᓂᒧᑦ ᐊᖏᔪᓂᒃ ᐊᒻᒪᓗ ᒥᑭᔪᓂᒃ ᓄᑕᐅᓯᓕᕐᑎᕆᓂᕐᓂᒃ,
  ᐱᓇᓱᐊᕐᓂᐅᑉ ᐱᕙᓪᓕᐊᓂᖏᑦ ᑲᔪᓯᑦᓯᐊᑎᒐᓱᓪᓗᒋᑦ, ᐊᒻᒪᓗ ᐊᑯᓐᓂᖁᑦᓯᐅᑎᖃᑦᑕᓗᓂ ᑐᕃᓐᓇᑐᒥᒃ ᐊᐅᓚᓂᕐᓂ ᐊᒻᒪᓗ
  ᐱᓇᓱᐊᕐᓂᐅᑉ ᐊᐅᓚᑕᐅᓂᖓᓂ ᑭᖕᖒᒪᒋᔭᐅᒍᓂ.
• ᐊᐅᓚᑦᓯᖃᑦᑕᓗᓂ, ᐊᐅᓚᑦᔮᕆᖃᑦᑕᓗᓂ, ᐊᒻᒪᓗ ᑲᒪᒋᔭᖃᖃᑦᑕᓗᓂ ᐊᑦᔨᒌᖕᖏᑐᓂᒃ ᐱᓇᓱᐊᕐᑐᓂᒃ ᐱᓇᓱᑦᑎᓂᒃ
  ᑫᓪᓗᑐᐃᓗᓂ ᐱᓇᓱᐊᖃᑎᒌᑦᓯᐊᓂᕐᒥᒃ, ᐱᕙᓪᓕᐊᑎᑦᓯᓂᕐᒥᒃ, ᐊᒻᒪᓗ ᐱᓇᓱᑦᓯᐊᓂᕐᒥᒃ.
• ᐱᕙᓪᓕᐊᑎᑦᓯᓗᓂ ᐊᒻᒪᓗ ᑲᒪᒋᔭᖃᕐᓗᓂ ᑕᓪᓕᒪᓄᑦ ᐊᕐᕌᒍᓅᓕᖓᔪᓂᒃ ᐸᕐᓇᓯᒪᐅᑎᓂᒃ ᐊᒻᒪᓗ ᐊᕐᕌᒍᑕᒫᑦ ᑮᓇᐅᔭᑎᒍᑦ
  ᑐᕌᒐᕐᓂᒃ ᐱᒍᑦᔨᕕᒻᒧᑦ
•  ᐊᑐᓕᕐᑎᓯᓗᓂ ᐊᒻᒪᓗ ᑲᒪᒋᔭᖃᕐᓗᓂ ᐊᐅᓚᑦᓯᓂᕐᒧᑦ ᓴᓇᕐᕈᑎᓂᒃ ᐊᒻᒪᓗ ᐱᓇᓱᐊᕐᓂᖅ ᖃᓄᐃᒻᒪᖔᑦ ᓇᓗᓀᕐᓯᒍᑎᓂᒃ
  ᐊᐅᓚᓂᖅ ᐊᒻᒪᓗ ᐱᐊᓚᔫᓂᖅ ᐱᐅᔫᑎᒐᓱᓪᓗᒋᒃ.
• ᑲᒪᒋᔭᖃᕐᓗᓂ ᐊᐅᓚᑕᐅᓂᖏᓐᓂᒃ ᐊᑭᑭᓐᓂᐸᐅᓕᐅᑎᑎᑦᓯᓃᑦ, ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒍᑏᑦ, ᐊᒻᒪᓗ ᐱᓇᓱᖃᑎᖃᕐᓃᑦ
  ᖃᐅᔨᒋᐊᕐᕕᓂᒃ, ᑎᑭᓭᕕᓐᓂᒃ, ᐊᒻᒪᓗ ᐱᓇᓱᐊᖃᑕᐅᔪᓂᒃ
• ᒪᓕᑦᓯᐊᑎᑦᓯᒐᓱᓪᓗᓂ ᐊᓂᕐᕋᓂᒃ ᓄᑕᐅᓯᓖᓂᕐᓂᒃ ᑯᐯᒃ ᐃᓪᓗᓕᕆᔨᕐᔪᐊᑯᖏᑦᑕ ᒪᓕᑦᑕᐅᒋᐊᓕᖁᑎᖏᓐᓂᒃ ᐊᒻᒪᓗ ᑎᒥᐅᔫᑉ
  ᐃᓗᐊᓂ ᒪᓕᑦᑕᐅᒋᐊᓕᓐᓂᒃ
• ᑫᓪᓗᑐᐃᓗᓂ ᐱᓇᓱᖃᑎᒌᑦᓯᐊᓂᕐᒥᒃ ᐊᒻᒪᓗ ᑲᔪᓯᓗᓂ ᐅᑉᐱᕆᔭᒥᓂᒃ ᐱᓇᓱᖃᑎᖃᕐᓂᓂᒃ ᑎᒥᐅᔫᑉ ᐃᓗᐊᓂ ᐊᒻᒪᓗ ᓯᓚᑖᓂ
  ᐱᓇᓱᐊᖃᑕᐅᔪᓂᒃ.
• ᐃᓚᐅᖃᑦᑕᓗᓂ ᐊᐅᓚᑕᐅᓂᖓᓂ ᑎᒥᐅᔫᑉ ᐃᓚᐅᖃᑦᑕᓗᓂ ᐊᐅᓚᑦᓯᔩᑦ ᑲᑎᖕᖓᓂᖏᓐᓄᑦ ᐊᒻᒪᓗ
  ᑐᓴᕐᑎᓯᒍᑎᓕᐅᖃᑦᑕᓗᓂ ᐱᑕᖃᕆᐊᓕᓐᓂᒃ
• ᑐᓴᐅᒣᓐᓇᕋᓱᓪᓗᓂ ᐱᑦᔪᓯᑦᓯᐊᖑᓂᕐᐹᑦ ᒥᑦᓵᓄᑦ ᐊᒻᒪᓗ ᓄᑖᑦ ᐱᓇᓱᒍᓰᑦ ᒥᑦᓵᓄᑦ ᑲᔪᓯᒐᓱᓪᓗᓂ ᐱᐅᓯᒋᐊᕆᓂᕐᒥᒃ ᐱᒍᑦᔨᕕᐅᑉ
  ᐱᓂᐊᒐᖏᓐᓂᒃ ᐊᒻᒪᓗ ᓄᐃᑕᖏᓐᓂᒃ.
• ᐱᓇᓱᐊᖃᑦᑕᓗᓂ ᐊᓯᖏᓐᓂᒃ ᑎᓕᔭᐅᒍᑎᒥᓂᒃ ᐳᕐᑐᓂᕐᓴᓄᑦ ᐊᐅᓚᑦᓯᔨᓄᑦ

ᐱᑕᖃᕆᐊᓖᑦ

•  ᐃᓕᓐᓂᐊᕕᕐᔪᐊᒥᑦ ᐱᔭᕇᕈᑎᑖᕐᓯᒪᓗᓂ ᐃᓕᓐᓂᐊᓂᕐᒥᒃ ᐃᓪᓗᔪᐊᓄᑦ ᓱᑯᐃᔦᔨᐅᓂᕐᒥᒃ ᐅᕝᕙᓘᓐᓃᑦ ᑕᒪᑦᓱᒧᖓᓕᖓᔪᒥᒃ
  ᐱᓇᓱᒐᕐᒥᒃ, ᐅᕝᕙᓘᓐᓃᑦ ᓇᓪᓕᖁᐊᖓᓂᒃ ᐱᓇᓱᑦᓯᒪᓗᓂ
• ᖁᓕᓂᒃ (10) ᐊᕐᕌᒍᓂᒃ ᐱᓇᓱᑦᓯᒪᓗᓂ ᑌᒣᑦᑐᒥᒃ, ᐃᓚᖃᕐᑎᓗᒍ ᑕᓪᓕᒪᓂᒃ (5) ᐊᕐᕌᒍᓂᒃ ᐊᐅᓚᑦᓯᔨᐅᓯᒪᓂᕐᒥᒃ
• ᐱᓇᓱᑦᓯᒪᓗᓂ ᐊᓂᕐᕋᐅᔪᓂᒃ ᓄᑕᐅᓯᓖᓂᕐᒥᒃ ᐊᒻᒪᓗ ᐃᓪᓗᔪᐊᓕᐅᕐᓂᒥᒃ
• ᑐᑭᓯᒪᑦᓯᐊᓗᓂ ᐃᓪᓗᓕᐅᕐᓂᒥ ᒪᓕᑦᑕᐅᒋᐊᓕᓐᓂᒃ, ᐱᐅᒃᑯᑎᓂᒃ, ᐊᒻᒪᓗ ᐱᑦᔪᓯᕐᓂᒃ
• ᖃᐅᔨᒪᓗᓂ ᐱᖁᔭᕐᓂᒃ ᒪᓕᒐᕐᓂᓗ ᐃᓄᐃᑦ ᐃᓪᓗᖏᓐᓅᓕᖓᔪᓂᒃ (ᐃᑲᔪᕐᓯᔪᖅ)
• ᐱᓇᓱᑦᓯᒪᓪᓚᕆᓪᓗᓂ ᐱᓇᓱᐊᕐᓂᓂᒃ ᐊᐅᓚᑦᓯᓂᕐᒥᒃ
• ᐱᓇᓱᑦᓯᒪᓗᓂ ᑲᕙᒫᐱᒃᑯᑦ ᐱᓇᓱᕝᕕᖏᓐᓂ (ᐃᑲᔪᕐᓯᔪᖅ)
• ᖃᐅᔨᒪᓗᓂ ᐅᑭᐅᕐᑕᑑᑉ ᐅᕝᕙᓘᓐᓃᑦ ᐃᓄᑐᐃᓐᓀᑦ ᓄᓇᓕᖏᓐᓂᒃ (ᐃᑲᔪᕐᓯᔪᖅ)

ᐱᒍᓐᓇᕆᐊᓕᖏᑦ

• ᐊᓯᑦᔨᑐᐃᒍᓐᓇᓗᓂ ᓯᕗᓕᕐᑎᐅᓂᖅ
• ᐱᒍᓐᓇᓚᕆᓪᓗᓂ ᖃᐅᔨᓴᕐᓂᒥᒃ, ᐱᓀᓗᑕᓂᒃ ᐋᕐᖀᓂᕐᒥᒃ, ᐊᒻᒪᓗ ᑐᑭᑖᕈᓐᓇᓂᕐᒥᒃ
• ᐊᐅᓚᑦᓯᒍᓐᓇᓗᓂ ᐱᓇᓱᐊᕐᓂᓂᒃ ᐊᒻᒪᓗ ᐸᕐᓀᕈᓐᓇᓗᓂ ᑮᓇᐅᔭᑎᒍᑦ ᑐᕌᒐᕐᓂᒃ
• ᐸᕐᓀᕈᓐᓇᓯᐊᕐᓗᓂ, ᐃᒻᒥᓂᕿᒍᓐᓇᓗᓂ, ᓱᖏᐅᑎᒍᓐᓇᓗᓂ ᐊᓯᑦᔨᓂᕐᒧᑦ, ᐊᒻᒪᓗ ᓇᓗᕐᖁᓀᑦᑑᓗᓂ
• ᑐᓴᐅᒪᖃᑎᒌᒍᓐᓇᓯᐊᕐᓗᓂ ᐊᒻᒪᓗ ᐱᓇᓱᐊᖃᑎᖃᕈᓐᓇᓯᐊᕐᓗᓂ ᐊᓯᒥᓂᒃ, ᐱᓇᓱᖃᑎᒌᓐᓂᖃᕈᒪᓂᖃᕐᓗᓂ ᐊᑦᔨᒌᖕᖏᑐᓂᒃ
  ᐃᓗᕐᖁᓯᓕᓐᓂᒃ
• ᐅᐃᒪᓵᕐᑕᐅᒐᓗᐊᕈᓂ ᐱᓇᓱᑦᓯᐊᕈᓐᓇᓗᓂ ᐊᒻᒪᓗ ᐊᐅᓚᑦᓯᒍᓐᓇᓗᓂ ᐊᒥᓱᓂᒃ ᓯᕗᓪᓕᐅᔭᐅᒋᐊᓕᓐᓂᒃ ᐊᑕᐅᑦᓯᑯᑦ
• ᓄᑖᓂᒃ ᐱᓇᓱᒍᓯᕐᓂᒃ ᐃᓱᒪᒥᐅᑕᖃᕐᓗᓂ ᐊᒻᒪᓗ ᐅᒃᑯᐃᖔᑦᓯᐊᓂᕐᒥᒃ ᑲᔪᓯᔪᒥᒃ ᐱᐅᓯᒋᐊᕆᓂᕐᒧᑦ
• ᖃᕆᑕᐅᔭᕈᑎᓂᒃ ᑐᑭᓯᒪᓗᓂ ᐊᑐᕈᓐᓇᓗᓂᓗ
• ᐊᑐᕈᓐᓇᓯᐊᕐᓗᓂ ᒪᕐᕉᓂᒃ ᐅᑯᓇᖕᖓᑦ ᐅᖃᐅᓯᕐᓂᑦ: ᐅᐃᒍᐃᑎᑐᑦ, ᖃᓪᓗᓈᑎᑐᑦ, ᐃᓄᑦᑎᑐᑦ

ᐊᑑᑎᓂᖅ ᓄᓇᕕᒻᒥᐅᖑᓂᕐᒥᒃ

ᐱᓇᓱᓐᓂᖅ ᓄᓇᕕᒻᒥ ᑐᑭᓕᒃ ᖃᐅᔨᓂᕐᒥᒃ ᐊᖏᔪᓂᒃ ᐊᒻᒪᓗ ᐱᐅᔪᒻᒪᕆᓐᓂᒃ ᐅᑭᐅᕐᑕᑐᒥ ᓄᓇᓂᒃ, ᐱᑕᖃᑦᓯᐊᑐᖅ ᐊᒻᒪᓗ ᑐᖕᖓᓇᕐᑐᖅ
ᐃᓄᑐᐃᓐᓀᑦ ᐃᓗᕐᖁᓯᖓ, ᐊᒻᒪᓗ ᐊᑦᔨᐅᖏᑦᑐᖅ ᐊᑦᔨᖃᖕᖏᑐᖅ ᐃᓅᑦᔪᓯᖅ.

ᐃᓚᐅᒋᑦ ᐱᓇᓱᖃᑎᒌᓐᓂᑎᓐᓄᑦ!
ᐊᐅᓪᓚᑎᑦᓯᕕᒋᑎᒍᑦ ᐃᓕᓐᓂᐊᓯᒪᔭᑎᓐᓂᒃ ᐱᓇᓱᑦᓯᒪᔭᑎᓐᓂᓗ ᐊᓪᓚᓯᒪᔪᕐᑕᓕᒻᒥᒃ ᐱᓇᓱᒐᕐᑖᕋᓱᐊᕈᑎᓐᓂᒃ ᐅᕗᖓ:

career@nunavikhb.ca

Human Resources
P.O. box 1200 – Kuujjuaq, QC J0M 1C0
(819) 964-2000 Ext: 284