ᐱᒐᓱᐊᕈᑏᑦ ᐱᕙᓪᓕᐊᔪᖁᑎᑦᑎᓄᑦ
Akulivik, QC
5°C
13 km/h
×
Nunavik Weather
Akulivik
Temperature : 5°C
Wind Speed : 13 km/h
Aupaluk
Temperature : 17°C
Wind Speed : 15 km/h
Inukjuak
Temperature : 5°C
Wind Speed : 25 km/h
Ivujivik
Temperature : 7°C
Wind Speed : 23 km/h
Kangiqsualujjuaq
Temperature : 17°C
Wind Speed : 13 km/h
Kangiqsujuaq
Temperature : 15°C
Wind Speed : 10 km/h
Kangirsuk
Temperature : 18°C
Wind Speed : 13 km/h
Kuujjuaq
Temperature : 21°C
Wind Speed : 25 km/h
Kuujjuarapik
Temperature : 6°C
Wind Speed : 39 km/h
Puvirnituq
Temperature : 7°C
Wind Speed : 9 km/h
Quaqtaq
Temperature : 11°C
Wind Speed : 20 km/h
Salluit
Temperature : 8°C
Wind Speed : 9 km/h
Tasiujaq
Temperature : 18°C
Wind Speed : 22 km/h
Umiujaq
Temperature : 4°C
Wind Speed : 32 km/h
×
ᐱᓇᓱᓐᓂᖅ ᐃᓪᓗᓕᕆᔨᒃᑯᑦ ᐊᓪᓚᕕᖓᓂ ᓄᓇᕕᒻᒥ ᐃᒫᒃ ᑐᑭᓕᒃ…
ᐃᑲᔪᕐᓯᓂᖅ ᐱᑕᖃᕐᑎᓯᓂᕐᒧᑦ ᐊᑦᑕᓇᕐᑐᒦᓐᓇᖏᑦᑐᓂᒃ, ᐃᓱᕐᕆᓇᕐᑐᓂᒃ, ᐊᒻᒪᓗ ᐃᓗᕐᖁᓯᕐᒧᑦ ᓈᒻᒪᓈᕐᑐᓂᒃ ᐃᓪᓗᓂᒃ ᐃᓄᑐᐃᓐᓇᓄᑦ ᐊᓂᕐᕋᓕᐅᔪᓄᑦ. ᑐᑭᓕᒃ ᐊᓯᑦᔨᕙᓪᓕᐊᓂᖅ ᐊᑦᔨᐅᖏᑦᑐᒥ ᐅᑭᐅᕐᑕᑐᒥ ᐊᕙᑎᒥ ᐱᓇᓱᖃᑎᒌᓐᓂᖅ, ᓱᖏᐅᑎᒍᓐᓇᓂᖅ, ᐊᒻᒪᓗ ᓄᑖᓂᒃ ᐊᑐᕈᓐᓇᓂᖅ ᐱᑕᖃᓪᓚᕆᒋᐊᖃᕐᑎᓗᒋᑦ ᓴᐳᑦᔨᓂᕐᒧᑦ 4,200-ᓂᒃ ᐊᒥᓲᓂᕐᓴᓂᒃ ᐃᓄᐃᑦ ᐃᓪᓗᖏᓐᓂᒃ ᖁᓕᓪᓗ ᓯᑕᒪᓪᓗᓂ ᓄᓇᓕᓐᓂ ᓄᓇᕕᒻᒥ.
ᐃᓚᒋᔭᐅᓕᕈᕕᑦ ᐃᓪᓗᓕᕆᔨᒃᑯᑦ ᐊᓪᓚᕕᖓᓄᑦ ᓄᓇᕕᒻᒥ, ᑐᕃᓐᓇᑐᒥᒃ ᐃᑲᔪᕐᓯᒍᓐᓇᑐᑎᑦ ᓱᒃᑯᑎᑕᐅᑦᑌᓕᓂᖏᓐᓄᑦ ᐊᒻᒪᓗ ᐱᐅᓯᒋᐊᕐᑕᐅᒐᓱᓐᓂᖏᓐᓄᑦ ᐃᓪᓗᐃᑦ, ᓴᐳᑦᔭᐅᓗᑎᑦ ᐱᓇᓱᖃᑎᒌᑦᑐᓄᑦ 145-ᓄᑦ ᐱᓇᓱᑦᑎᓄᑦ ᐱᓇᓱᖃᑦᑕᑐᓄᑦ ᐅᓪᓗᑕᒫᑦ ᓄᓇᓕᓐᓂ.
ᑮᓇᐅᑦᔭᓵᑦ ᐊᒻᒪᓗ ᐱᕙᓪᓕᖁᑏᑦ
- ᑲᑎᑦᓱᑎᒃ ᐊᑭᓕᕐᑕᐅᒍᑏᑦ ᐃᓚᖃᕐᓱᑎᒃ ᐃᓅᒐᓱᐊᕐᓂᐅᑉ ᐊᑭᑐᔫᓂᖓᓄᑦ ᐃᑲᔪᕐᓯᒍᑎᓂᒃ ᐊᒻᒪᓗ ᓂᕿᓯᓂᕐᒧᑦ ᐃᑲᔪᕐᓯᒍᑎᓂᒃ, ᑎᑭᑦᑐᑦ $141,000.00-ᓄᑦ ᐊᕐᕌᒍᑕᒫᑦ, ᒪᓕᑦᓱᒍ ᐱᓇᓱᑦᓯᒪᓂᖓ
- ᐊᕐᕌᒍᑕᒫᑦ ᖃᖓᑦᑕᐅᑏᑦ ᓇᒻᒥᓂᖅ ᖃᖓᑕᓂᕐᒧᑦ ᐊᑯᓐᓂᖓᓂ ᑰᑦᔪᐊᖅ ᐊᒻᒪᓗ ᑯᐯᒃᓕᒫᖅ
- ᐃᓪᓗᖃᕐᑎᑕᐅᓂᖅ ᒪᓕᑦᓱᒋᑦ ᒫᓐᓇ ᒪᓕᒐᐅᔪᑦ
- 35 ᑕᙯᕐᓯᓀᑦ ᐅᓪᓗᐃᑦ, ᐊᑭᓕᕐᑕᐅᒍᓐᓇᑐᑦ ᐊᕐᕌᒎᑉ ᐃᓱᐊᓂ
- 16 ᕿᑲᕐᕕᐅᓚᕆᒋᐊᓖᑦ ᐅᓪᓗᐃᑦ, ᐊᑭᓕᕐᑕᐅᒍᓐᓇᑐᑦ ᐊᕐᕌᒎᑉ ᐃᓱᐊᓂ
- 12 ᖃᓂᒪᓂᕐᒧᑦ ᕿᑲᕐᓀᑦ ᐅᓪᓗᐃᑦ
- ᓄᐊᑦᓯᒍᓐᓇᓂᖅ ᓴᓂᕐᕓᓗᓂ 80-ᓂᒃ ᑫᕙᓪᓚᒍᓯᕐᓂᒃ (10 ᐅᓪᓗᐃᑦ)
- ᐱᓇᓱᖃᑎᒌᑦᑐᑦ ᐃᒻᒪᖃᐅᑎᖏᑦ
- ᐅᑭᐅᖏᑦ ᓈᒻᒪᓯᑉᐸᑕ ᐱᓇᓱᒍᓐᓀᕈᓂ ᑮᓇᐅᑦᔭᓵᑦᓴᓂᒃ ᐸᕐᓇᓯᒪᐅᑎ ᐱᓇᓱᕝᕕᐅᔪᖅ ᐃᑲᔪᕐᓯᑎᓪᓗᒍ
- ᐱᓇᓱᓐᓂᒧᑦ ᐊᕐᕕᑕᕐᓂᒥᒃ ᐱᕕᑦᓴᖃᕐᓂᖅ ᖁᓕᓪᓗ ᐱᖓᓱᓪᓗᓄᑦ ᐊᓯᖏᓐᓄᑦ ᓄᓇᓕᓐᓄᑦ ᓄᓇᕕᒻᒥ
ᐃᓚᒋᔭᐅᓗᑎᑦ ᐱᓇᓱᖃᑎᒌᑦᑐᖁᑎᑦᑎᓄᑦ, ᐱᓇᓱᕝᕕᖃᓚᖓᔪᑎᑦ ᑲᑐᑦᔨᖃᑎᒌᓐᓂᖃᑦᓯᐊᑐᒥ ᐊᒻᒪᓗ ᐃᑲᔪᕐᓯᔪᒥ ᐱᓇᓱᕝᕕᒥ ᐱᒍᓐᓇᓂᑎᑦ ᓱᕐᕃᓂᖃᓪᓚᕆᑦᑎᓗᒋᑦ ᓄᓇᕕᒻᒥ ᓄᓇᓕᓐᓂᒃ.
ᐱᔭᑦᓴᕆᓗᐊᖕᖑᐊᑕᖏᑦ ᐊᒻᒪᓗ ᑲᒪᒋᔭᑦᓴᔭᖏᑦ
- ᑐᑭᒧᐊᑦᑎᓯᖃᑦᑕᓗᓂ ᐊᒻᒪᓗ ᑲᒪᒋᔭᖃᖃᑦᑕᓗᓂ ᐱᓇᓱᐊᕐᓂᓂᒃ ᓱᒃᑯᑎᑦᓯᑌᓕᓂᕐᒨᓕᖓᔪᓂᒃ ᐊᒻᒪᓗ ᐋᕐᕿᒋᐊᕆᓂᕐᒨᓕᖓᔪᓂᒃ ᓴᓇᒋᐊᓪᓛᓂᕐᓂᒃ, ᐊᒻᒪᓗ ᑲᔪᓯᔪᒥᒃ ᐱᐅᓯᒋᐊᕆᓂᕐᒥᒃ ᐃᓪᓗᓕᕆᔨᒃᑯᑦ ᐊᓪᓚᕕᖓᑕ ᓄᓇᕕᒻᒥ ᐃᓪᓗᔪᐊᖏᓐᓂᒃ
- ᓴᐳᑦᔨᖃᑦᑕᓗᓂ ᓱᒃᑯᑎᑦᓯᑌᓕᓂᓕᕆᓂᕐᒥ ᐊᑕᐅᑦᓯᑰᕐᑎᓯᔨᓂᒃ ᐸᕐᓇᓂᕐᓂ, ᐋᕐᕿᓱᐃᓂᕐᓂ, ᐊᒻᒪᓗ ᐃᑉᐱᒋᔭᖃᕐᓂᓂ ᐊᐅᓚᓂᕐᓂᒃ ᓄᓇᕕᒻᒥ ᓄᓇᓕᓐᓂ
- ᐊᑐᐃᓐᓇᐅᖏᓐᓇᑎᑦᓯᓯᐊᕋᓱᖃᑦᑕᓗᓂ ᐱᖁᑎᓂᒃ, ᐱᐅᒃᑯᑎᓂᒃ, ᐊᒻᒪᓗ ᐊᑐᕋᑦᓴᓂᒃ ᑭᖕᖒᒪᒋᔭᐅᔪᓂᒃ ᐱᓇᓱᐊᕐᓂᒧᑦ ᐸᕐᓇᑕᐅᒪᔪᓂᒃ ᐱᓇᓱᒐᑦᓴᓂᒃ
- ᐱᕙᓪᓕᐊᑎᑦᓯᖃᑦᑕᓗᓂ ᐊᒻᒪᓗ ᑲᔪᓯᑎᑦᓯᓗᓂ ᐱᖁᑎᓂᒃ ᐊᐅᓚᑦᓯᓂᕐᒧᑦ ᖃᓄᐃᓘᕈᓯᕐᓂᒃ ᐊᒻᒪᓗ ᐱᖁᑏᑦ ᐱᑕᖃᑦᓯᐊᑎᒐᓱᓪᓗᒋᑦ ᐊᒻᒪᓗ ᐱᐅᓂᕐᐸᐅᑎᒐᓱᐊᕐᓗᒋᑦ ᓱᓇᒐᓚᖃᐅᑏᑦ ᐃᖏᕐᕋᓂᖏᑦ
- ᐱᕙᓪᓕᐊᑎᑦᓯᖃᑦᑕᓗᓂ, ᐊᑐᓕᕐᑎᓯᖃᑦᑕᓗᓂ, ᐊᒻᒪᓗ ᐃᕐᐱᒋᔭᖃᖃᑦᑕᓗᓂ ᐱᑦᔪᔨᕖᑦ ᐱᓇᓱᐊᑦᓯᐊᓂᕐᒧᑦ ᓇᓗᓀᒃᑯᑕᖏᓐᓂᒃ
- ᑫᓪᓗᑐᐃᖃᑦᑕᓗᓂ ᐱᓇᓱᒍᓯᑦᓯᐊᖑᓂᕐᐹᓂᒃ ᐱᓇᓱᕝᕕᒥ ᖃᓄᐃᖕᖏᓯᐊᕐᓂᒥ ᐊᒻᒪᓗ ᐊᑦᑕᓇᕐᑐᒦᑦᑌᓕᓂᕐᒥ ᐊᒻᒪᓗ ᓴᐳᑦᔨᖃᑦᑕᓗᓂ ᐱᓇᓱᖃᑎᒌᑦᑐᓂᒃ ᐱᔭᖃᕋᓱᑦᑎᓗᒋᑦ ᐃᖏᕐᕋᑎᑦᓯᓂᕐᒥ ᑐᕌᒐᕐᓂᒃ
- ᐃᓚᐅᖃᑕᐅᖃᑦᑕᓗᓂ ᑲᔪᓯᔪᒥᒃ ᐱᐅᓯᒋᐊᕆᒐᓱᓐᓂᒥ ᐊᑑᑎᔭᐅᒋᐊᓕᓐᓂᒃ, ᐱᓇᓱᒍᓯᕐᓂᒃ, ᐊᒻᒪᓗ ᐱᑦᔪᔨᕖᑦ ᐱᓇᓱᐊᕐᓂᖏᓐᓂᒃ
- ᐃᑲᔪᕐᑎᐅᖃᑦᑕᓗᓂ ᐅᐃᒪᓇᕐᓯᔪᖃᕐᐸᑦ ᐊᒻᒪᓗ ᑐᑭᒧᐊᑦᑎᓯᓗᓂ ᐊᑯᓐᓂᖁᑦᓯᐅᑎᓂᐅᒋᐊᓕᓐᓂᒃ
ᐃᓕᓐᓂᐊᓯᒪᒋᐊᓕᖏᑦ ᐱᓇᓱᑦᓯᒪᒋᐊᓕᖏᓪᓗ
- ᐳᕐᑐᓂᕐᓴᒋᐊᓪᓚᒥᑦ ᐱᔭᕇᕈᑎ ᐃᓕᓐᓂᐊᓂᕐᒥᒃ ᐱᑐᑦᓯᒪᔪᒥᒃ ᐃᓪᓗᓕᐅᕐᓂᒧᑦ, ᐃᓪᓗᔪᐊᓕᕆᓂᕐᒥᒃ ᐊᐅᓚᑦᓯᓂᕐᒥᒃ, ᐱᖁᑎᒻᒪᕆᓕᐅᕐᓂᒥᒃ, ᐅᕝᕙᓘᓐᓃᑦ ᐊᓯᖏᓐᓂᒃ ᑌᒣᑦᑐᓅᓕᖓᔪᓂᒃ ᐃᓕᓐᓂᐊᒐᕐᓂᒃ
- ᐃᑭᓐᓂᐸᐅᑎᓪᓗᒋᑦ ᑕᓪᓕᒪᓂᒃ (5) ᐊᕐᕌᒍᓂᒃ ᑌᒣᑦᑐᒨᓕᖓᔪᒥᒃ ᐱᓇᓱᑦᓯᒪᓗᓂ, ᐃᓚᖃᕐᑎᓗᒋᑦ ᐃᑭᓐᓂᐸᐅᑎᓪᓗᒋᑦ ᐱᖓᓱᓂᒃ (3) ᐊᕐᕌᒍᓂᒃ ᑲᒪᔨᒻᒪᕆᐅᓯᒪᓗᓂ ᐅᕝᕙᓘᓐᓃᑦ ᐊᖓᔪᕐᖄᕆᔭᐅᓯᒪᓗᓂ ᐱᓇᓱᑦᑎᓄᑦ
- ᑌᒣᑦᑐᒨᓕᖓᔪᒋᐊᓪᓓᑦ ᐱᓇᓱᑦᓯᒪᔭᖏᑦ ᐱᔭᕇᕈᑎᑖᕐᓯᒪᖕᖏᐸᑦ ᐱᔭᕇᕈᑎᒥᒃ ᐃᓇᖐᒍᓐᓇᑐᑦ
- ᐱᓇᓱᑦᓯᒪᓪᓚᕆᓪᓗᓂ ᐃᓪᓗᔪᐊᓂᒃ ᓱᒃᑯᑎᑦᓯᑌᓕᓂᕐᒥᒃ ᐱᓇᓱᐊᕐᓂᓂᒃ ᐊᐅᓚᑦᓯᓂᕐᒥᒃ
- ᐱᓇᓱᑦᓯᒪᓗᓂ ᐱᖁᑎᓂᒃ ᐊᐅᓚᑦᓯᔨᐅᓂᕐᒥᒃ, ᓂᐅᕕᕋᕐᓂᓕᕆᓂᕐᒥᒃ, ᐅᕝᕙᓘᓐᓃᑦ ᐸᕐᓇᓯᒪᒋᐊᓕᓐᓂᒃ ᐸᕐᓇᑎᐅᓂᕐᒥᒃ (ᐃᑲᔪᕐᓯᓚᖓᔪᖅ)
ᐱᒍᓐᓇᓂᖏᑦ:
- ᐊᐅᓚᑦᔦᒍᓐᓇᓗᓂ ᓯᕗᓕᕐᑎᐅᓂᖅ
- ᐋᕐᕿᓱᐃᒍᓐᓇᓂᕐᒥᒃ, ᐸᕐᓀᕈᓐᓇᓂᕐᒥᒃ, ᐊᒻᒪᓗ ᓯᕗᓪᓕᐅᔭᐅᒋᐊᓕᓐᓂᒃ ᐊᐅᓚᑦᓯᒍᓐᓇᓂᕐᒥᒃ ᐱᒍᓐᓇᓯᐊᕖᖕᖓᓗᓂ
- ᐱᓇᓱᒍᓐᓇᓗᓂ ᐊᔭᐅᕐᑕᐅᓗᓂ ᐊᒻᒪᓗ ᑲᒪᒍᓐᓇᓗᓂ ᐊᒥᓱᓂᒃ ᐱᓇᓱᐊᕆᐊᓕᓐᓂᒃ ᐊᑕᐅᑦᓯᑯᑦ
- ᑐᓴᐊᒪᖃᑦᑕᐅᑎᒍᓐᓇᓯᐊᕐᓗᓂ, ᐊᖏᖃᑎᒌᒐᓱᐊᖃᑎᖃᕈᓐᓇᓯᐊᕐᓗᓂ, ᐊᒻᒪᓗ ᐱᓀᓗᑕᓂᒃ ᐋᕐᖀᒍᓐᓇᓯᐊᕐᓗᓂ
- ᐊᐅᓚᑦᔦᒍᓐᓇᓗᓂ ᐱᓇᓱᖃᑎᒌᑦᑐᓂᒃ ᐃᓗᕐᖁᓯᖃᑎᒌᖕᖏᑐᐃᑦ ᐱᓇᓱᕝᕕᖓᓂ
- ᖃᐅᔨᓴᕈᓐᓇᓯᐊᕐᓗᓂ ᐊᒻᒪᓗ ᑐᑭᑖᑦᓯᐊᕈᓐᓇᓗᓂ
- ᖃᐅᔨᒪᑦᓯᐊᓗᓂ ᖃᕆᑕᐅᔭᓂᒃ ᐱᓇᓱᒍᑎᓂᒃ ᐊᒻᒪᓗ ᐊᐅᓚᑦᓯᒍᑎᓂᒃ
- ᐅᖄᒍᓐᓇᓯᐊᕐᓗᓂ ᒪᕐᕉᓂᒃ ᐅᖃᐅᓰᓐᓂᒃ ᐅᑯᓇᖕᖓᑦ ᐅᖃᐅᓯᕐᓂᑦ: ᐅᐃᒍᐃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐃᓄᑦᑎᑐᑦ
ᓄᓇᕕᒻᒥᐅᖑᓯᒪᓂᖅ
ᐱᓇᓱᓐᓂᖅ ᓄᓇᕕᒻᒥ ᑐᑭᓕᒃ ᖃᐅᔨᓂᕐᒥᒃ ᐊᖏᔪᓂᒃ ᐊᒻᒪᓗ ᐱᐅᔪᒻᒪᕆᓐᓂᒃ ᐅᑭᐅᕐᑕᑐᒥ ᓄᓇᓂᒃ, ᐱᑕᖃᑦᓯᐊᑐᒥᒃ ᐊᒻᒪᓗ ᑐᖕᖓᓇᕐᓱᓂ ᐃᓄᑐᐃᓐᓀᑦ ᐃᓗᕐᖁᓯᖓᓂᒃ, ᐊᒻᒪᓗ ᐊᑦᔨᐅᖏᑦᑐᒥᒃ ᐊᒻᒪᓗ ᐱᓪᓚᕆᒻᒥᒃ ᐃᓅᑦᔪᓯᕐᒥᒃ.