ᐱᒐᓱᐊᕐᑐᑦ
ᐱᒍᓐᓇᐅᑏᑦ
ᐱᒍᓐᓇᐅᑎᑕᐅᓂᕐᒧᑦ ᒪᓕᒐᑦᓭᑦ NHB-ᒥ ᐊᑦᑕᑐᕐᑎᐅᓂᕐᒧᑦ:
- ᐊᑎᓕᐅᕐᑎᓯᒪᒋᐊᓕᒃ ᐱᒐᓱᐊᕈᑎᓂ
- ᐱᒍᓐᓇᕆᐊᓕᒃ ᓇᒻᒥᓂᖅ ᐃᓪᓗᒥᐅᑕᓂᓪᓗ ᐱᒋᐊᓕᓐᓂᒃ ᐃᓄᑑᓗᓂ, ᐅᕝᕙᓘᓐᓃᑦ ᐃᑲᔪᕐᑕᐅᓗᓂ ᐃᓪᓗᒥᐅᖃᑎᒥᓄᑦ ᐅᕝᕙᓘᓐᓃᑦ ᓯᓚᑖᓂ ᐃᑲᔪᕐᑕᐅᒍᑎᓄᑦ.
- ᐅᑭᐅᖃᕆᐊᓕᒃ 18-ᓂᒃ.
- ᐃᓚᐅᔪᒋᐊᓕᒃ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ (JBNQA).
- JBNQA-ᒧᑦ ᐃᓚᐅᔫᖕᖏᑐᑦ ᑲᓇᑕᒥᐅᔭᐅᒋᐊᓖᑦ ᐅᕝᕙᓘᓐᓃᑦ ᓄᓇᖃᕐᑐᑐᖃᐅᓗᑎᒃ ᓄᓇᖃᕐᓗᑎᒃ ᑕᕐᕋᒥ ᓄᓇᓕᓐᓂ ᐱᒐᓱᐊᕐᕕᒋᔭᒥᓂ ᑖᕙᓂᒥᐅᖑᓗᑎᒃ ᑕᕐᕿᓂ ᖁᓕᓪᓗ ᒪᕐᕈᓗᓐᓂᒃ ᑭᖑᓕᕇᓂᒃ.
ᑐᓂᓗᒋᑦ ᐱᒐᓱᐊᕈᑏᑦ
ᑕᑕᕐᓴᑕᐅᒋᐊᓖᑦ ᐱᔭᕇᕐᓗᒋᑦ ᐃᓪᓗᓕᕆᔨᒃᑯᑦ ᐃᓪᓗᖁᑎᖏᓐᓂ ᑕᑕᕐᓴᕋᑦᓭᑦ. ᑕᑕᕐᓴᕋᑦᓴᒥᒃ ᐱᑖᕈᓐᓇᖁᑎᑦ ᖃᕆᑕᐅᔭᑎᒍᑦ ᑕᒃᑲᓂ ᐱᑐᒍᑎᒥ ᐅᕝᕙᓘᓐᓃᑦ ᑕᑯᒋᐊᕐᓗᑎᑦ ᓄᓇᓕᑦᓯᓂ NHB ᐊᓪᓚᕕᖓᓂ. ᑕᑕᕐᓴᕇᕐᐸᑦ, ᐊᑎᓕᐅᕐᓗᑎᑦ ᑕᑕᕐᓴᕋᑦᓴᒥ, ᑌᒪ ᐊᐅᓪᓚᑎᓯᓗᒍ ᐊᓪᓚᖁᑎᒋᒋᐊᓕᖏᑦ ᐃᓚᐅᑎᓪᓗᒋᑦ:
- ᒪᕐᕉᒃ ᑕᑕᕐᓴᕆᐊᓖᒃ ᓇᓗᓀᕐᓯᒍᑏᒃ ᑕᒪᖏᓐᓄᑦ ᐱᒐᓱᐊᕈᑎᓄᑦ ᐊᒻᒪᓗ ᐱᒐᓱᐊᖃᑕᐅᔪᒧᑦ (ᐆᑦᑐᑎᒋᓗᒍ, ᐃᓚᐅᔫᓂᕐᓄᑦ ᓯᒃᑭᑖᐱᒃ, ᐱᓇᓱᒍᓐᓇᐅᑎᓄᑦ ᑭᓯᑦᓯᒍᑎᖏᑦᑕ ᓯᒃᑭᑖᐱᖓ, ᓯᕿᓂᖕᖑᐊᖅ, ᐊᖁᒍᓐᓇᐅᑎ).
- ᓄᑖᖑᓂᕐᐹᖅ ᑯᐯᒻᒥ ᑖᒃᓰᔭᕐᓂᒧᑦ ᖃᐅᔨᑎᑦᓯᒍᑏᑦ ᖃᐅᔨᓴᕐᑕᐅᓂᕕᓂᖏᓐᓄᑦ ᐱᒐᓱᐊᕐᑑᑉ ᐊᒻᒪᓗ ᐱᒐᓱᐊᖃᑕᐅᔪᖅ.
- ᐊᓪᓚᓯᒪᔪᐃᑦ ᓴᐳᒻᒥᔪᑦ ᐱᒐᓱᐊᕈᑎᑎᓐᓄᑦ (ᐆᑦᑐᑎᒋᓗᒍ ᐋᓐᓂᐊᕕᒻᒥ ᐱᓇᓱᑦᑎ, ᐃᓄᓕᕆᔨ, ᐊᓯᖏᓪᓗ).
ᐱᒍᓐᓇᑐᑦ ᐊᓪᓚᓯᒪᔪᖁᑏᑦ
ᐱᒐᓱᐊᕐᑐᑦ ᐃᓪᓗᓕᕆᔨᒃᑯᓂ ᐅᑕᕐᕿᔪᓄᑦ ᐊᓪᓚᑕᐅᓯᒪᓚᖓᔪᑦ ᐊᒻᒪᓗ ᑭᓯᑦᓯᒍᑎᒥᒃ ᓇᓗᓀᕐᓯᒍᑎᒥᒃ ᐁᑦᑐᑕᐅᓗᑎᒃ ᐊᒻᒪᓗ ᓇᓪᓕᐊᓃᓐᓂᖏᓐᓂᒃ. ᐱᒐᓱᐊᕈᓐᓇᑐᑦ ᐊᓪᓚᓯᒪᔪᖏᑦ ᓄᑕᐅᓯᓕᕐᑕᐅᓲᑦ ᑕᕐᕿᒥ ᐊᑕᐅᓯᕐᒥ ᑕᒫᑦ. ᑭᓯᐊᓂ, NHB ᐊᖏᕐᓂᖃᓲᖅ ᐱᒐᓱᐊᕐᑐᓂᒃ ᑲᔪᓯᔪᒥᒃ, ᓇᓃᓐᓃᑦ ᐅᑕᕐᕿᔪᓂ ᐊᓪᓚᓯᒪᐅᑎᖓ ᖁᕝᕙᕆᐊᕈᓐᓇᑐᖅ ᐅᕝᕙᓘᓐᓂᑦ ᑕᐅᓄᖕᖓᕆᐊᕐᓗᓂ ᓄᑖᑦ ᐱᒐᓱᐊᕐᑐᑦ ᑎᑭᑦᑐᑦ ᒪᓕᓪᓗᒋᑦ. ᐃᓪᓗᖅ ᐊᑐᐃᓐᓇᕈᕐᐸᑦ, ᐋᕐᕿᑕᐅᓲᖅ ᓇᓪᓕᐊᓅᓚᖓᓂᖓ ᓄᓇᓕᓐᓂ ᐃᓪᓗᓕᕆᔨᖏᓐᓄᑦ ᒪᓕᑦᓱᒋᑦ ᒫᓐᓇᐅᔪᖅ ᓇᓪᓕᐊᓃᓐᓂᖏᑦ. ᐃᓪᓗᓕᕆᔨᓄᑦ ᑲᑎᖕᖓᔩᑦ ᑲᑎᒪᒋᑐᐊᕐᒪᑕ ᑕᒫᑦ, ᐊᓪᓚᓯᒪᔪᑦ ᓄᑕᐅᓯᓕᕐᑕᐅᓲᑦ, ᐱᒍᓐᓇᑎᑦᓯᓱᑎᒃ ᐃᓕᓐᓂᒃ ᖃᓄᐃᓕᖓᓕᕐᓂᖓᓂᒃ ᐊᓪᓚᓯᒪᓂᕐᒦᓂᑎᑦ.
ᖃᐅᔨᒋᐊᕐᕕᖃᕈᓐᓇᖁᑎᑦ ᐱᒍᓐᓇᓂᕐᓄᑦ ᐊᓪᓚᓯᒪᐅᑎᓂᒃ ᖃᐅᔨᒋᐊᕐᓗᑎᑦ ᓇᓪᓕᐊᓃᒻᒪᖔᕐᐱᑦ ᓄᓇᓕᑦᓯᓂ ᐃᓪᓗᓕᕆᔨᒃᑯᑦ ᐊᓪᓚᕕᖓᓂ ᐅᕝᕙᓘᓐᓃᑦ ᐊᑐᕐᓗᑎᑦ ᕿᓂᕈᑎᒥᒃ ᐊᑖᓂ. ᑭᓯᑦᓯᒍᑎᕐᓂᒃ ᐊᑐᕆᐊᖃᕐᖁᑎᑦ, ᑕᑯᒍᓐᓇᑌᑦ ᐱᒍᓐᓇᓂᕐᓄᑦ ᐊᓪᓚᑖᕕᓂᑎᓐᓂ.
ᖃᐅᔨᒪᒋᐊᖃᕐᖁᑎᑦ ᖃᐅᔨᑎᑦᓯᒋᐊᖃᕋᕕᑦ ᐅᕙᑦᑎᓂᒃ ᐊᓯᑦᔨᓂᑎᑦ ᐃᓪᓗᒥᐅᑕᑎᓐᓂ ᐱᑦᔪᑎᒋᓗᒋᑦ, ᐅᑯᐊ:
- ᓄᑖᖅ ᓇᓂᒥᐅᑕᐅᓂᕐᓄᑦ ᑐᕌᕈᑎᑎᑦ ᐅᕝᕙᓘᓐᓃᑦ ᐅᖄᓚᐅᑏᑦ;
- ᐊᓯᑦᔨᓂᖓ ᐃᓪᓗᒥᐅᑕᑎᓐᓄᑦ ᖃᓄᐃᓕᖓᓂᐅᔪᑦ (ᐆᑦᑐᑎᒋᓗᒍ, ᐃᓅᓕᕐᑐᖃᕐᐸᑦ, ᑐᖁᔪᖃᕐᐸᑦ, ᐊᐅᓪᓚᑐᖃᕐᐸᑦ ᐅᕝᕙᓘᓐᓃᑦ ᑎᑭᑦᑐᖃᕐᐸᑦ ᓄᑖᒥᒃ ᐃᓚᑖᑎᓐᓂᒃ);
- ᐊᓯᑦᔨᐸᑕ ᑮᓇᐅᔭᓕᐊᓯ.
ᓄᑕᐅᓯᓕᕈᒪᒍᕕᐅᒃ ᐱᒐᓱᐊᕈᑏᑦ, ᖃᐅᔨᒋᐊᕐᕕᖃᕐᓗᑎᑦ ᓄᓇᓕᑦᓯᓂ ᐃᓪᓗᓕᕆᔨᒃᑯᖏᓐᓂᒃ.
ᓄᓇᓕᑦᓯᓂ ᐃᓪᓗᓕᕆᔩᑦ ᑲᑎᒪᔨᖏᑦ
ᓄᓇᓕᑦᓯᓂ ᐃᓪᓗᓕᕆᔩᑦ ᑲᑎᒪᔨᖏᑦ ᐱᓇᓱᐊᓲᑦ ᕿᒥᕐᕈᓱᑎᒃ ᐃᓪᓗᑕᕋᓱᐊᕈᑎᓂᒃ ᐊᒻᒪᓗ ᐱᑕᖃᕐᑎᓯᑦᓱᑎᒃ ᐱᖁᔨᒍᑎᒥᓂᒃ NHB-ᑯᓐᓄᑦ ᐱᓇᓱᒍᑦᔨᔭᖏᑦᑕ ᐱᒍᑦᔨᒍᑎᓄᑦ ᐱᑦᔪᑎᒋᑦᓱᒋᑦ ᓇᓪᓕᑳᕐᑕᐅᓂᖏᑦᑕ ᓯᕗᓂᕐᒥ ᐊᑦᑕᑐᓚᖓᔪᑦ ᐊᒻᒪᓗ ᓅᑕᐅᓂᖏᑦ ᐊᑦᑕᑐᕐᑐᑦ. ᐃᓚᒋᐊᕈᑎᐅᑎᓪᓗᒍ, ᑲᑎᒪᔩᑦ ᐱᑕᖃᕐᑎᓯᓲᑦ ᐱᖁᔨᒍᑎᓂᒃ ᐱᐅᓯᐅᒥᑎᑦᓯᓂᕐᒧᑦ ᐃᓪᓗᖃᕐᑎᑕᐅᒍᑎᓄᑦ ᖃᓄᐃᓕᖓᓂᐅᔪᓄᑦ ᓄᓇᓕᓐᓂ. ᐃᓚᐅᔪᐃᑦ ᑕᓪᓗᒪᐅᑦᓱᑎᒃ, ᑲᑎᒪᔩᑦ ᑲᑎᒪᓲᑦ ᑕᕐᕿᑕᒫᒐᓚᒃ, ᐃᑭᓐᓂᐹᓂᒃ ᑲᑎᒪᓂᖃᓲᑦ ᓯᑕᒪᐅᔪᕐᑐᓂ ᑕᕐᕿᓂ ᐊᕐᕌᒍᑕᒫᑦ, ᐊᒻᒪᓗ ᑲᑎᓲᖑᒻᒥᓱᑎᒃ ᐊᑦᔨᐅᖏᑦᑐᒧᑦ ᖃᓄᐃᓕᖓᓂᐅᔪᒧᑦ.
ᐃᓪᓗᐃᑦ ᐃᓐᓄᓂᖏᓐᓄᑦ ᒪᓕᑦᑕᐅᓲᑦ ᐃᓪᓗᓕᕆᓂᕐᒧᑦ
ᐃᓪᓗᑖᕐᑎᑕᐅᓂᖏᑦ ᑐᑭᑖᕐᑕᐅᓲᑦ ᒪᓕᑦᓱᒋᑦ ᒪᓕᑦᑕᐅᒋᐊᓖᑦ ᑐᖕᖓᕕᖃᕐᓱᑎᒃ ᐊᕕᑦᑐᓯᒪᔪᒋᐊᓪᓚᓂᒃ:
- ᐃᓄᑑᓗᓂ ᐅᕝᕙᓘᓐᓃᑦ ᐁᑉᐸᕇᓪᓗᑎᒃ ᐃᓪᓘᑖᕐᑎᑕᐅᔪᑦ: ᖃᕆᐊᖃᖕᖏᑐᒥᒃ ᐅᕝᕙᓘᓐᓃᑦ ᖃᕆᐊᓕᒃ ᐊᑕᐅᓯᕐᒥᒃ ᐃᓄᑐᐊᒧᑦ ᐅᕝᕙᓘᓐᓃᑦ ᐁᑉᐸᕇᓐᓄᑦ.
- ᐃᑉᐱᒋᒻᒥᓗᒋᑦ ᑎᒥᖓᓂ ᐱᒃᑲᓗᓐᓂᖓ: ᖃᕆᐊᕆᐊᓪᓚᖃᕐᑎᑕᐅᓲᖅ ᐱᐅᓯᕐᓗᑐᒧᑦ ᐃᓄᒻᒧᑦ ᖃᓄᐃᓕᖓᓂᖓ ᖃᕆᐊᒦᖃᑎᖃᕐᖃᔭᖕᖏᑐᐊᕐᐸᑦ.
- ᐃᓪᓗᒥᐅᑕᖅ: ᖃᕆᐊᕆᐊᓪᓚᖃᕆᐊᖃᕐᐸᑦ ᐊᑐᓂ ᐃᓪᓗᒥᐅᖃᑎᖓ. ᒪᕐᕉᒃ ᐱᐊᕌᒃ ᐅᑭᐅᖏᒃ ᓯᑕᒪᐅᔪᖕᖏᒐᕐᑑᑉ ᐊᑖᓂ ᐅᑭᐅᓖᒃ ᖃᕆᐊᖃᑎᒌᓚᖓᑐᐊᕐᐸᑎᒃ.
- ᐊᖑᑎᐅᖃᑎᒌᒃ ᐊᕐᓇᐅᖃᑎᒌᒃ ᒪᕐᕉᒃ ᐃᓅᒃ ᐅᑭᐅᓖᒃ ᓯᑕᒪᐅᔪᖕᖏᒐᕐᑐᓂᒃ ᐅᖓᑖᓄᓪᓘᓃᑦ ᖃᕆᐊᖃᑎᒌᓪᓗᑎᒃ.
- ᐃᓄᒻᒪᕆᖕᖑᓴᕐᑐᖅ ᐊᒻᒪᓗ ᐁᑉᐸᕇᒃ: ᐃᓄᒃ ᐅᑭᐅᓕᒃ 16-ᓂᒃ ᐅᖓᑖᓄᓪᓘᓃᑦ, ᐊᒻᒪᓗ ᐁᑉᐸᖏᑦ, ᖃᕆᐊᖃᕆᐊᓪᓚᕈᓐᓇᑎᑕᐅᔪᑦ.
- ᐱᐊᕋᕐᒥᒃ ᑎᒍᒥᐊᖃᑎᖃᕈᓂ: ᖃᕆᐊᖃᕆᐊᓪᓚᕈᓐᓇᑐᖅ 40%-ᓂᒃ ᐁᓯᒪᖃᑦᑕᑐᐊᕐᐸᑦ ᐱᐊᕋᖅ ᑎᒍᒥᐊᕐᑕᐅᔪᖅ.
- ᐃᕐᖃᑐᐃᔨᒃᑯᓄᑦ ᐃᓂᖃᕐᑎᑕᐅᔪᖅ: ᖃᕆᐊᕆᐊᓪᓚᒥᒃ ᐱᑕᖃᕈᓐᓇᑐᖅ ᐃᕐᖃᑐᐃᔨᒃᑯᓄᑦ ᑌᑲᓂᒥᐅᖑᑎᑕᐅᑐᐊᕐᐸᑦ ᐊᕐᕌᒍᓄᑦ ᐊᑕᐅᓯᕐᒧᑦ ᐅᖓᑖᓄᑦ.
- ᐅᐃᒪᓇᕐᑐᒥᒃ ᑎᒍᒥᐊᕐᑎᑕᐅᖃᑦᑕᕈᓂ ᐊᓂᕐᕋᖓᓂ: ᓇᓗᓀᕐᑕᐅᒪᓗᓂ ᐅᐃᒪᓇᕐᑐᒥᒃ ᑎᒍᒥᐊᕐᑎᑕᐅᖃᑦᑕᕈᓂ ᐃᓄᓕᕆᔨᒃᑯᓄᑦ, ᐃᓪᓗᑖᕈᓐᓇᑐᖅ ᖃᕆᐊᕆᐊᓪᓚᓕᒻᒥᒃ. ᓇᓗᓀᕐᑕᐅᒍᑎᖓ ᐊᕐᕌᒍᑕᒫᑦ ᐱᑕᖃᕐᑎᑕᐅᒋᐊᓕᒃ ᐅᕝᕙᓘᓐᓃᑦ ᓇᓗᓀᕐᑕᐅᒍᑎᖓ ᐱᑕᖃᕈᓐᓀᐸᑦ ᓅᑦᑎᑕᐅᒍᓐᓇᑐᖅ ᒪᓕᒐᖅ ᒪᓕᓪᓗᒍ 1990-ᒥ ᐃᓅᖃᑎᒌᓄᑦ ᓇᓗᓀᒃᑯᑕᖅ ᑯᐯᒻᒥ.
ᖃᐅᔨᒪᔭᐅᒋᐊᓕᒃ: ᐊᑕᐅᓯᕐᒥᒃ ᑭᓯᐊᓂ ᖃᕆᐊᕆᐊᓪᓚᒥᒃ ᐱᑕᖃᕐᑎᑕᐅᒍᓐᓇᑐᑦ ᐃᕐᖃᑐᐃᔨᒃᑯᓄᑦ ᐃᓂᖃᕐᑎᑕᐅᔪᒧᑦ ᐊᒻᒪᓗ ᐅᐃᒪᓇᕐᑐᒥᒃ ᑎᒍᐊᖃᕐᑎᑕᐅᖃᑦᑕᑐᑦ. - ᓅᑕᐅᓂᖓᑕ ᐱᒍᓐᓇᐅᑎᖏᑦ: ᒪᓕᒐᖅ ᒪᓕᑦᓱᒍ 1990-ᒥ ᐃᓅᖃᑎᒌᓄᑦ ᓇᓗᓀᒃᑯᑕᖅ ᑯᐯᒻᒥ, NHB-ᑯᑦ ᓅᑦᑎᓯᒍᓐᓇᑐᑦ ᐊᑦᑕᑐᕐᑐᒥᒃ ᓈᒻᒪᓂᕐᓴᒧᑦ ᐃᓪᓗᒧᑦ ᐱᖓᓱᓂᒃ ᑕᕐᕿᓂᒃ ᖃᐅᔨᑎᑦᓯᒍᑎᑖᕐᑎᑕᐅᓯᒪᓗᑎᒃ.
ᐃᓪᓗᑖᕐᑎᑕᐅᓃᑦ
ᐃᓪᓗᖅ ᐃᓪᓗᑖᕆᔭᐅᔪᑦᓴᓕᐊᖑᓯᒪᑉᐸᑦ ᐱᒐᓱᐊᕐᑐᒧᑦ, ᐃᓪᓗᓕᕆᓂᕐᒧᑦ ᑲᒪᔨ ᐃᑲᔪᕐᓯᒐᔭᕐᑐᖅ ᐊᑦᑕᑐᕈᑎᖏᓐᓂᒃ ᐊᓪᓚᓯᓚᔪᓂᒃ ᑕᑕᕐᓭᓗᓂ ᐊᓯᖏᓐᓂᓗ ᑕᑕᕐᓴᑕᐅᒋᐊᓕᓐᓂᒃ. ᐊᑐᐃᓐᓇᐅᓕᕐᐸᑦ ᐃᓪᓗᖅ, ᓄᓇᓕᓐᓂ ᐃᓪᓗᓕᕆᔨᖏᓐᓄᑦ ᑲᒪᔨ ᖃᐅᔨᑎᑦᓯᒐᔭᕐᑐᖅ ᐊᑦᑕᑐᕐᑎᒥᒃ ᐋᕐᕿᓱᐃᓗᓂ ᑕᑯᓂᐊᕐᓂᓴᖓᓂᒃ, ᐱᕈᑎᓂᒃ ᐁᑦᑐᑕᐅᒐᔭᕐᑐᖅ ᑌᑲᓂ.
ᐳᕐᑐᓂᖓ
ᐳᕐᑐᓂᖓ ᑐᖕᖓᕕᓕᒃ ᒪᓕᑦᑕᐅᒋᐊᓕᓐᓂᒃ ᐊᒻᒪᓗ ᖃᑦᓯᕌᕐᓂᖓᑕ ᐋᕐᕿᓱᕐᑕᐅᒪᒍᑎᖏᓐᓂᒃ ᐋᕐᕿᑕᐅᔪᕕᓂᕐᓂᒃ ᒪᓕᒑᐱᓐᓄᑦ ᐃᓪᓗᑖᕐᑎᑕᐅᓂᕐᒧᑦ ᐊᑭᑭᑦᑐᒥ ᐊᑦᑕᑐᕐᓂᒧᑦ ᐃᓪᓗᒥᒃ ᓄᓇᕕᒻᒥ. ᒪᓕᑦᑕᐅᑎᑕᐅᓲᖅ NHB ᑲᑎᒪᔨᖏᓐᓄᑦ ᐊᒻᒪᓗ ᑯᐯᒻᒥ ᐃᓪᓗᓕᕆᓂᕐᒧᑦ ᑯᐊᐳᕇᓴᖓ.
ᑖᒃᑯᐊ ᒪᓕᑦᑕᐅᒋᐊᓖᑦ ᒪᓕᑦᑐᑦ ᐃᓪᓗᒥ ᑮᓇᐅᑦᔭᓵᖏᓐᓂᒃ, ᖃᑦᓯᐅᓂᖏᑦ ᐃᓪᓗᒥ ᐆᒪᑎᑕᖏᑦ ᐊᒻᒪᓗ ᐊᒥᓲᓗᐊᕐᓂᖏᑦ. ᐊᒥᓱᐃᑦ ᐊᓯᖏᑦ ᒪᓕᑦᑕᐅᒋᐊᓖᑦ ᐃᓱᒪᒋᔭᐅᓲᖑᒻᒥᔪᑦ ᑐᑭᑖᕈᑎᒧᑦ ᐊᑦᑕᑐᕐᑎᐅᑉ ᐱᒍᓐᓇᓂᖓᓄᑦ ᐊᒻᒪᓗ ᓯᕗᓪᓕᐅᔭᐅᒋᐊᖃᕐᓂᖓᓄᑦ ᐅᑕᕐᕿᔪᓄᑦ ᐊᓪᓚᓯᒪᓂᖓᓃᑦᑐᑦ.
ᖃᐅᔨᒋᐊᕐᕕᖃᕈᓐᓇᖁᑎᑦ ᐱᒍᓐᓇᓂᕐᓄᑦ ᐊᓪᓚᓯᒪᐅᑎᓂᒃ ᖃᐅᔨᒋᐊᕐᓗᑎᑦ ᓇᓪᓕᐊᓃᒻᒪᖔᕐᐱᑦ ᓄᓇᓕᑦᓯᓂ ᐃᓪᓗᓕᕆᔨᒃᑯᑦ ᐊᓪᓚᕕᖓᓂ ᐅᕝᕙᓘᓐᓃᑦ ᐊᑐᕐᓗᑎᑦ ᕿᓂᕈᑎᒥᒃ ᐊᑖᓂ. ᑭᓯᑦᓯᒍᑎᕐᓂᒃ ᐊᑐᕆᐊᖃᕐᖁᑎᑦ, ᑕᑯᒍᓐᓇᑌᑦ ᐱᒍᓐᓇᓂᕐᓄᑦ ᐊᓪᓚᑖᕕᓂᑎᓐᓂ.