ᐱᓇᓱᒐᑦᓭᑦ
ᐱᓇᓱᒋᑦ ᐅᕙᑦᑎᓄᑦ
ᐱᓇᓱᖃᑎᕗᑦ ᐃᓚᒋᕙᕗᑦ. NHB-ᑯᓐᓂ, ᐱᐅᓯᖃᓲᖑᕗᒍᑦ ᐊᖏᖃᑎᒌᑦᓯᐊᓂᕐᒥᒃ ᐊᒻᒪᓗ ᓴᐳᒻᒥᖃᑎᒌᑦᓱᑕ, ᐱᓇᓱᕝᕕᑎᓐᓂᒃ ᐱᑕᖃᕐᑎᓯᑦᓱᑕ ᐃᓂᖃᕐᕕᒋᑦᓱᒍ ᐃᑉᐱᒋᖃᑦᑕᐅᑎᑦᓯᐊᓂᕐᒥᒃ ᖃᓄᐃᖕᖏᓯᐊᕐᓂᖏᓐᓄᑦ ᐊᓯᑦᑕ. ᑖᓐᓇ ᐃᑉᐱᒋᐅᑎᑦᓯᐊᓂᖅ ᐊᒻᒪᓗ ᑐᓂᒪᑦᓯᐊᓂᖅ ᐱᒻᒪᕆᐅᓂᓕᒃ ᐱᒍᓐᓇᓯᐊᕐᓂᒧᑦ ᐱᔭᕆᐊᑐᔪᓂᒃ ᐱᓇᓱᓐᓂᑎᓐᓄᑦ, ᑭᓯᐊᓂ ᐱᒻᒪᕆᐅᔪᖅ ᐱᓇᓱᐊᕆᐊᓕᑦᑎᓄᑦ ᐱᓇᓱᒋᐊᒥᒃ ᐱᓇᓱᖃᑎᒌᓐᓂᕗᓐᓄᑦ ᖃᓂᑕᕇᓐᓂᕗᑦ.
ᐱᓇᓱᐊᓲᖑᕗᒍᑦ ᓄᓇᓕᓐᓂ ᐱᓇᓱᑦᑎᑖᕐᓂᒧᑦ ᐱᓇᓱᐊᕐᓂᐅᔪᓂᒃ, ᐃᑉᐱᒋᔭᖃᕐᓱᑕ ᓄᓇᓕᓐᓂ ᐱᑦᔪᔨᔭᕗᓐᓂ ᑕᑯᖁᓪᓗᒋᑦ ᓇᖕᒥᓂᖅ ᑕᑯᑦᓴᐅᔪᓂᒃ ᐱᓇᓱᑦᑎᑎᓐᓂᒃ. ᑖᓐᓇ ᐱᓇᓱᐊᕐᓂᕗᑦ ᓲᖑᓯᑎᑦᓯᓲᖅ ᐱᑐᑦᓯᒪᓂᑦᑎᓂᒃ ᓄᓇᓕᓐᓂᒃ ᐊᒻᒪᓗ ᐱᐅᓯᐅᒥᑎᑦᓯᓱᓂ ᐱᓇᓱᖃᑎᕗᑦᑕ ᐱᒍᓐᓇᓂᖏᓐᓂᒃ ᐱᓇᓱᐊᕆᐊᖃᕐᓂᖏᓐᓂᒃ ᓄᓇᓕᓐᓂ ᑭᖕᖒᒪᒋᔭᐅᔪᓂᒃ.
250 ᐱᓇᓱᒉᑦ ᐱᑕᓖᑦ ᐃᓘᓐᓇ
ᖏᓐᓂᒃ ᓄᓇᓕᓐᓂ 14-ᓂ, 75%
ᐱᓇᓱᑦᑏᑦ ᐃᓄᐃᑦ.
ᑲᔪᓯᓂᖃᑦᓯᐊᑐᖅ ᓄᓇᓕᒃ
ᐅᑭᐅᕐᑕᑐᑦᓯᐊᕌᓗᒻᒥ
NHB-ᑯᓐᓂ, ᐃᓂᓕᒃ ᑕᕐᕋᖓᓂ 55 ᖁᓛᓂ ᑯᐯᒻᒥ, ᐱᑕᖃᕐᑎᓯᔪᒍᑦ ᐱᓇᓱᒐᑐᐃᓐᓇᐅᖏᑦᑐᓂᒃ; ᐱᑕᖃᕐᑎᓯᔪᒍᑦ ᐊᑦᔨᐅᖏᑦᑐᒥᒃ ᐃᓅᓯᕐᒥᒃ ᐱᒍᒥᓇᕐᓂᐸᐅᖃᑕᐅᔪᒥ ᐋᕐᕿᓯᒪᓂᖓ ᓯᓚᕐᔪᐊᒥ. ᐊᓪᓚᕕᕗᑦ ᓄᓇᓕᓕᒫᓃᑦᑐᑦ 14-ᓂ ᓄᓇᕕᐅᑉ ᓄᓇᖓᓂ, ᐊᓪᓚᕕᒻᒪᕆᖃᕐᓱᑕ ᑰᑦᔪᐊᒥ, ᐃᑉᐱᒋᔭᖃᕐᓱᑕ ᐃᓚᐅᑎᑕᐅᑦᓯᐊᓂᖓᓂᒃ ᐊᒻᒪᓗ ᐱᒍᓐᓇᑕᐅᑦᓯᐊᓱᓂ ᐃᓘᓐᓇᖏᓐᓂ ᓄᓇᓕᖏᓐᓂ.
ᓄᓇᓕᒻᒥᑐᓄᑦ ᑕᕐᕋᒥ
ᓄᓇᓕᓐᓄᑦ
ᐃᓚᐅᔫᓗᑎᑦ ᓄᓇᓕᑦᓯᓂ ᐃᓄᓐᓄᑦ ᐊᒻᒪᓗ ᑕᕐᕋᒥ ᓄᓇᓕᖏᓐᓄᑦ, ᐱᓇᓱᐊᕐᓃᑦ NHB-ᑯᓐᓄᑦ ᑐᑭᓕᒃ ᐃᑲᔪᕐᓯᒍᓐᓇᓂᕐᓂᒃ ᑐᕃᓐᓇᑐᒥᒃ ᐊᖏᓕᕙᓪᓕᐊᓂᖓᓄᑦ ᐊᒻᒪᓗ ᐱᐅᓯᐅᒥᕙᓪᓕᐊᓂᖓᓄᑦ ᓄᓇᓕᑦᓯᓂ. ᐃᓪᓕᕈᓱᒃᑯᒍᑦ ᐱᑐᑦᓯᒪᓂᕐᓂᒃ ᓄᓇᒧᑦ ᐊᒻᒪᓗ ᐃᓗᕐᖁᓯᖓᓄᑦ, ᐊᒻᒪᓗ ᐃᑲᔪᕐᓯᒍᒪᕗᒍᑦ ᐱᓇᓱᓐᓂᓄᑦ ᐱᕈᕐᐸᓕᐊᓂᕐᓄᑦ ᐃᑉᐱᒋᑦᓯᐊᓗᒋᑦ ᐊᒻᒪᓗ ᐃᓚᐅᑎᓗᒋᑦ ᐃᓗᕐᖁᓯᕐᓄᑦ ᖃᐅᔨᒪᓂᑎᑦ. ᑕᒃᑲᓂ ᐱᓇᓱᑦᑎᐅᓂᕐᓄᑦ ᐱᕈᕐᐸᓕᐊᑎᑦᓯᒍᓐᓇᖁᑎᑦ ᐱᓇᓱᒐᕆᒋᐊᓕᓐᓄᑦ, ᐊᕙᓗᔭᐅᒪᓗᑎᑦ ᓄᓇᖓᓄᑦ ᐊᒻᒪᓗ ᐃᓄᖏᓐᓄᑦ ᓇᓪᓕᒋᔭᑎᓐᓄᑦ.
ᖃᐅᔨᓴᕈᒪᓯᑎᓄᑦ
ᖃᓪᓗᓈᓂᒥᐅᓄᑦ
ᖃᓪᓗᓈᓂ ᐱᓯᒪᒍᕕᑦ ᐊᒻᒪᓗ ᐃᓅᓯᕐᒥᒃ ᐱᒍᒪᒍᕕᑦ ᓄᑖᓂᒃ ᐊᑑᑎᓯᒪᓂᕐᓂᒃ ᐱᑕᓕᓐᓂ, ᓄᓇᕕᒻᒥ ᐃᓪᓗᓕᕆᔨᒃᑯᑦ ᐊᓪᓚᕕᖓ ᐱᑕᖃᕐᑎᓯᔪᖅ ᐱᕕᑦᓴᖃᕐᑎᓯᓂᕐᒥᒃ ᐊᑦᔨᐅᖏᑦᑐᒥᒃ ᕿᒥᕐᕈᓂᕐᒥᒃ ᐅᑭᐅᕐᑕᑐᒥᒃ. ᑖᓐᓇ ᐱᓇᓱᒐᑐᐃᓐᓇᐅᖏᑦᑐᖅ; ᐱᒍᓐᓇᑎᑦᓯᔪᖅ ᐃᓚᐅᓂᕐᒥᒃ ᖃᓂᑕᕇᓂᒃ ᓄᓇᓕᓐᓂᒃ, ᐃᓚᐅᒐᓱᐊᕆᑦ ᐃᓗᕐᖁᓯᕐᒧᑦ ᐱᑕᖃᑦᓯᐊᑐᒧᑦ ᐊᒻᒪᓗ ᐊᑑᑎᓗᑎᑦ ᓄᓇᖓ ᐊᓕᐊᓇᕐᑐᒥ ᐅᑭᐅᕐᑕᑐᒥ. ᐱᑕᖃᕐᑎᓯᔪᒍᑦ ᐱᕙᓪᓕᖁᑎᓂᒃ ᐊᑭᒪᔪᑦᑐᓂᒃ ᐊᒻᒪᓗ ᓅᓐᓂᒧᑦ ᐃᑲᔫᑎᓂᒃ ᐅᕿᓪᓕᑎᕆᓂᕐᒧᑦ ᐊᓯᑦᔨᓂᕐᒧᑦ ᐃᓅᓯᕐᒧᑦ ᐱᓇᓱᒐᖅ ᐊᒻᒪᓗ ᓇᒧᖕᖓᖑᐊᕐᓂᖅ ᑲᑎᒪᐅᑎᔫᒃ.
ᐃᓚᖏᑦ
ᐱᕙᓪᓕᖁᑏᑦ
NHB ᐊᑐᐃᓐᓇᐅᑎᑦᓯᔪᖅ ᐊᑭᒪᔪᑦᑐᓂᒃ ᑮᓇᐅᑦᔭᓵᓂᒃ, ᕿᑲᕈᑎᓄᑦ RRSP-ᓄᑦ, ᐅᓯᔭᐅᒍᑎᓄᑦ, ᖃᖓᑦᑕᐅᑎᓄᑦ, ᐊᑭᖏᓐᓄᑦ ᐅᑭᐅᕐᑕᑐᒥᐅᖑᓂᕐᒧᑦ ᐊᑭᒪᔪᑦᑐᓂᒃ ᐱᕙᓪᓕᖁᑎᑖᕐᑕᕈᑎᓂᒃ ᐊᒻᒪᓗ ᐱᔭᐅᒍᒪᔪᓂᒃ ᐱᓇᓱᓐᓂᒧᑦ ᖃᓄᐃᓕᖓᓂᐅᔪᓂᒃ. ᑮᓇᐅᑦᔭᓵᖏᑦ ᑐᖕᖓᕕᓖᑦ ᐋᕐᕿᓱᕐᑕᐅᒪᔪᓂᒃ ᐊᑭᓕᕐᑕᐅᓂᕐᒧᑦ ᐳᕐᑐᓂᓕᓐᓂᒃ ᐊᒻᒪᓗ ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᐳᕐᑐᓂᕐᓴᒧᑦ ᒪᓕᓪᓗᒋᑦ ᐱᓇᓱᐊᕐᓯᒪᓂᖏᑦ ᑖᑦᓱᒧᖕᖓᓕᖓᔪᒥᒃ.
NHB-ᒥ, ᐅᐱᒍᓱᑉᐳᒍᑦ ᑲᔪᓯᑎᑦᓯᒋᐊᒥᒃ ᐱᓇᓱᕝᕕᒥᒃ ᐆᒻᒪᕆᑦᑐᓯᐊᒥᒃ, ᐃᑲᔪᑦᓯᐊᑐᒥᒃ ᐊᒻᒪᓗ ᐃᓚᐅᑎᑦᓯᔪᒥᒃ, ᑐᓂᒪᔪᒥᒃ ᐱᐅᓯᐅᒥᑎᑦᓯᓂᕐᒧᑦ ᐃᒃᓗᖏᓐᓂᒃ ᐊᒻᒪᓗ ᐃᓅᕕᒋᔭᖏᑦᑕ ᖃᓄᐃᑦᑑᓂᖏᓐᓂᒃ ᓱᒃᑯᑎᑦᓯᑌᓕᑦᓱᑕ ᐊᑦᔨᐅᖏᑦᑐᒥᒃ ᐱᑖᕆᔭᐅᓯᒪᔪᒥᒃ ᓄᓇᕕᒻᒥᒃ. ᐃᓚᐅᒋᑦ ᐅᕙᑦᑎᓄᑦ ᑐᑭᓕᑦᓯᐊᒥᒃ ᓱᕐᕃᓂᕐᒧᑦ ᐊᒻᒪᓗ ᐱᒋᐊᕐᓗᑎᑦ ᐃᓅᓯᕐᒥ-ᐊᓯᑦᔩᓂᕐᒧᑦ ᓇᒧᖕᖓᕙᓪᓕᐊᓂᕐᒧᑦ ᑕᕐᕋᓯᐊᕌᓗᒻᒥ.
ᐱᒐᓱᐊᕐᓂᒧᑦ ᐱᓇᓱᐊᕐᑕᐅᓂᖏᑦ
NHB-ᒧᑦ
01-
ᑕᑯᒋᐊᕐᓗᒋᑦ
ᐱᓇᓱᒐᕐᒧᑦ ᓄᐃᑕᑎᑦᓯᕕᖓ
ᖃᐅᔨᓴᕐᓗᒋᑦ ᐱᓇᓱᒐᑦᓭᑦ ᐊᑐᐃᓐᓇᐅᔪᑦ ᐊᕕᑦᑐᓯᒪᓂᖓᓄᑦ ᐊᓪᓚᓯᒪᔪᑦ ᒫᓐᓇᐅᔪᖅ ᐅᒃᑯᐃᖔᕐᑐᓄᑦ ᐊᒻᒪᓗ ᑐᑭᓯᓇᕐᑎᓯᒍᑎᖏᑦ ᐱᓇᓱᒐᕐᒧᑦ ᖃᓄᐃᑦᑑᓂᖓᓄᑦ.
02-
ᐊᑐᐃᓐᓇᕈᕐᑎᓗᒋᑦ
ᐱᒐᓱᐊᕈᑎᑎᑦ
ᐃᑉᐱᒋᑦᓯᐊᓗᒋᑦ ᕿᒥᕐᕈᓗᒋᑦ ᐱᓇᓱᒐᕐᒧᑦ ᑭᖕᖒᒪᒋᔭᐅᔪᑦ ᐊᒻᒪᓗ ᐊᑐᐃᓐᓇᕈᕐᑎᓗᑎᑦ ᐱᒐᓱᐊᕈᑎᑎᓐᓂᒃ ᒪᓕᓪᓗᒋᑦ. ᑖᓐᓇ ᐃᓚᐅᑎᑦᓯᒋᐊᓕᒃ ᓄᑕᐅᓯᓕᕐᓯᒪᔪᓂᒃ ᐱᓇᓱᐊᕐᓯᒪᔭᑎᓐᓂᒃ ᐊᓪᓚᓯᒪᔪᓂᒃ, ᓯᕗᓪᓕᐹᖓᓂᒃ ᐊᓪᓚᕕᑦᓴᒥᒃ ᐱᓇᓱᒐᕐᒨᓕᖓᔪᒥᒃ, ᐊᒻᒪᓗ ᐃᓚᒋᐊᕈᑎᓂᒃ ᐊᓪᓚᓯᒪᔪᓂᒃ ᐱᓇᓱᒐᕐᒧᑦ ᐅᒃᑯᐃᖔᕐᑐᒧᑦ ᐱᑕᖃᕆᐊᓕᓐᓂᒃ.
03-
ᑐᓂᓗᒋᑦ
ᐱᒐᓱᐊᕈᑎᑎᑦ
ᒪᓕᓪᓗᒋᑦ ᐃᒣᓗᖁᔨᒍᑏᑦ ᑐᓂᓯᓂᕐᒧᑦ ᐱᒐᓱᐊᕈᑎᑎᓐᓂᒃ. ᑖᓐᓇ ᐊᐅᓪᓚᑎᑦᓯᒋᐊᖃᕐᓂᓂᒃ ᖃᕆᑕᐅᔭᑎᒍᑦ ᐊᑐᕆᐊᓕᒃ ᐅᕗᖓ ᑐᕃᓐᓇᓗᑎᒃ career@nunavikhb.ca
06-
ᑐᑭᓯᒪᒐᓱᐊᑦᓯᐊᓗᑎᑦ
ᐱᐅᔫᒐᔭᕐᑐᖅ ᖃᐅᔨᒋᐊᕐᓗᑎᑦ ᑐᓴᕐᑎᑕᐅᓚᐅᕋᑕᖕᖏᑯᕕᑦ ᐊᑯᓂᐅᓪᓗᐊᖏᑦᑐᒥ. ᐊᒻᒪᓗᒋᐊᓪᓚᒃ, ᑕᑯᓇᕋᓱᐊᖃᑦᑕᓗᑎᑦ NHB-ᑯᑦ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᓂ ᓄᑖᓄᑦ ᐱᓇᓱᒐᑦᓴᓄᑦ ᐅᕝᕙᓗᓐᓃᑦ ᓄᑕᐅᓯᓕᕐᑕᐅᒪᔪᓄᑦ ᐊᓯᖏᑦ ᐱᒍᓐᓇᑐᐃᓐᓇᕆᐊᓕᑎᑦ ᓄᐃᒻᒪᖔᑖ ᐱᒍᓐᓇᑕᑎᓐᓂᒃ ᐱᑕᖃᑐᐃᓐᓇᕆᐊᓖᑦ.
05-
ᒪᓂᑎᑦᓯᓂᖅ ᐊᒻᒪᓗ
ᐱᓇᓱᑦᑎᑖᕐᓂᖅ
ᑲᔪᓯᑦᓯᐊᑐᖅ ᐱᓇᓱᒐᕐᑖᕋᓱᐊᕐᑐᖅ ᐱᓇᓱᒐᕐᒥᒃ ᒪᓂᔭᐅᒐᔭᕐᑐᖅ. ᐊᖏᑐᐊᕈᓂ, ᐱᓇᓱᑦᑎᑖᕆᔭᐅᓂᕐᒧᑦ ᐱᕙᓪᓕᐊᑎᑕᐅᓂᖓᓅᕐᑕᐅᒐᔭᕐᑐᖅ, ᐃᒣᑦᑑᑐᐃᓐᓇᕆᐊᓕᒃ ᑐᑭᓯᑎᑕᐅᓂᕐᒧᑦ ᐃᓕᓐᓂᐊᑎᑕᐅᓂᖓ, ᐱᒋᐅᕐᓴᑎᑕᐅᓂᖅ ᐊᒻᒪᓗ ᐱᓇᓱᑦᑎᐅᖃᑕᐅᔪᓄᑦ ᖃᐅᔨᑎᑦᓯᒍᑕᐅᓗᓂ ᐊᒻᒪᓗ ᑲᒪᒋᒋᐊᓕᖏᓐᓄᑦ.
04-
ᓇᓪᓕᑳᕐᑕᐅᓂᖓᑕ
ᐱᓇᓱᐊᕐᑕᐅᓂᖏᑦ
ᑐᓂᓯᒌᑐᐊᕈᕕᑦ ᐱᒐᓱᐊᕈᑎᑎᓐᓂᒃ, ᕿᒥᕐᕈᔭᐅᒐᔭᕐᑐᖅ NHB-ᑯᑦ ᐱᓇᓱᑦᑎᓴᕐᓯᐅᑎᖏᓐᓄᑦ. ᐱᒍᓐᓇᕆᐊᓕᑎᑦ ᐊᑦᔨᖃᑐᐊᕐᐸᑕ ᐱᓇᓱᒐᕐᒧᑦ ᐱᒍᓐᓇᑕᐅᒋᐊᓕᓐᓂᒃ, ᖃᐅᔨᑎᑕᐅᑐᐃᓐᓇᕆᐊᖃᕐᖁᑎᑦ ᐊᐱᕆᔭᐅᓂᑦᓴᓄᑦ. ᓇᓪᓕᑳᕐᓂᒧᑦ ᐱᓇᓱᐊᕐᑕᐅᓂᖓ ᐊᒥᓱᕕᒐᓚᑐᐃᓐᓇᕆᐊᓕᒃ ᐊᐱᕆᓂᖏᓐᓂ, ᖃᐅᔨᓴᕐᓂᖃᕐᓗᑎᓪᓗ ᐊᒻᒪᓗ ᐃᓚᖏᓐᓄᑦ ᐱᓇᓱᒐᕐᓄᑦ, ᖃᐅᔨᓴᕆᐊᓖᑦ ᓱᓂᕆᓯᒪᔭᑎᓐᓂᒃ.
