ᐱᓇᓱᐊᕐᑕᐅᔪᑦ
ᐱᕙᓪᓕᐊᓂᖅ
ᐊᖏᖃᑎᒌᓐᓂᖅ ᐱᐅᓂᕐᓴᒥᒃ ᐃᓅᓯᖃᕐᓂᒧᑦ ᓄᓇᕕᒻᒥ
ᐱᕙᓪᓕᐊᓂᖅ ᑐᑭᓕᒃ ᐱᐅᓂᓴᕐᒧᑦ ᐊᓯᑦᔨᓂᕐᒥᒃ ᐃᓄᑦᑎᑐᑦ, ᐱᒻᒪᕆᐅᑦᓱᓂ ᐱᓇᓱᐊᕐᑕᐅᔪᖅ ᐊᑐᓕᕐᑎᑕᐅᓯᒪᔪᑦ ᐃᓘᓐᓇᖏᓐᓂᒃ 14-ᓂ ᓄᓇᓕᓐᓂ. ᑖᓐᓇ ᐱᓇᓱᐊᕐᑕᐅᔪᖅ, ᓯᕗᓪᓕᐸᐅᑦᔭᐅᔪᖅ NHB-ᑯᓐᓂ, ᖃᐅᔨᒪᑎᑦᓯᓂᕐᒥᒃ ᐃᓚᐅᑎᑦᓯᔪᖅ, ᑐᓴᐅᒪᑎᑦᓯᓂᕐᒥᒃ ᐊᒻᒪᓗ ᒪᓕᒐᐅᑉ ᐱᒋᐊᕐᑎᑕᐅᓂᖓ ᑐᕌᒐᓕᒃ ᐋᕐᕿᓯᒪᑎᑦᓯᓂᕐᒥᒃ ᐃᒃᓗᓂᒃ ᐊᒻᒪᓗ ᐱᖁᑎᓂᒃ, ᒥᑭᓕᒋᐊᕐᑎᓯᓗᓂ ᓱᒃᑯᑎᕆᓂᕐᒥᒃ ᐃᓚᐅᑎᑦᓯᓂᒃᑯᑦ ᐅᕕᒐᕐᑐᐃᑦ ᐃᓚᐅᓂᖏᓐᓂᒃ ᐊᒻᒪᓗ ᐱᐅᓯᐅᒥᑎᑦᓯᓂᕐᒥᒃ ᓄᓇᕕᒻᒥ ᐃᓅᕕᒋᔭᖏᑦᑕ ᓯᓚᑎᖏᓐᓂ.
ᐱᐅᓂᕐᓴᒥᒃ ᐃᓅᓯᖃᕐᓂᖅ ᐱᒍᓐᓇᓯᔭᐅᓲᖑᕗᖅ ᐅᑯᑎᒎᓇ:
- ᐊᖏᕐᓯᒪᓂᖅ: ᐃᒻᒥᒎᕐᑐᑦ ᖃᓄᐃᓘᕐᓂᖏᑦ ᐱᒍᓐᓇᑎᑦᓯᓲᖑᕗᑦ ᓄᓇᓕᓕᒫᒥ ᐊᐅᓚᓂᖏᓐᓄᑦ ᐱᐅᓯᑎᑦᓯᓂᕐᒧᑦ ᐊᕙᑎᑦᑎᓂᒃ.
- ᓵᑕᐅᒍᓐᓇᓂᖓ: ᐃᑉᐱᒋᔭᖃᕐᓂᖅ ᐊᑦᑕᑐᐊᒥᓂᒃ ᐱᐅᒃᑯᑎᒥᒃ ᐋᕐᕿᓯᒪᑎᑦᓯᐊᓗᒍ ᐊᒻᒪᓗ ᐊᑭᓖᑦᓯᐊᖃᑦᑕᓗᓂ ᐊᑭᓕᕆᐊᖃᓕᕐᐸᑦ.
- ᐃᑉᐱᒍᓱᑦᓯᐊᓂᖅ: ᐃᒪᕐᑐᓗᐊᕐᑌᓕᓂᖅ ᐊᒻᒪᓗ ᐃᑯᒪᒨᕐᑐᓂᒃ ᐊᑐᓪᓗᐊᑌᓕᓂᖅ ᐊᒻᒪᓗ ᓴᐳᒻᒥᓗᒋᑦ ᑕᕐᕋᒥ ᐊᑦᑕᓇᕐᑐᑦ ᐆᒪᓂᓖᑦ ᓇᔪᒐᖏᑦ.
- ᓲᓱᒋᓗᒋᑦ: ᐃᓪᓕᕆᓗᒋᑦ ᐱᐅᓕᓂᐊᒉᑦ ᐊᒻᒪᓗ ᐃᓄᐃᑦ ᐊᒻᒪᓗ ᐃᓱᒪᒋᓗᒍ ᓯᕗᓂᑦᓴᒥ ᑭᖑᕚᖑᓚᖓᔪᑦ ᕿᒻᒪᖁᓯᕐᑕᐅᓚᖓᔪᑦ ᐊᑐᕋᑦᓴᓂᒃ.
- ᐁᑦᑐᐃᓂᖅ: ᐃᓕᓐᓂᐊᑎᓗᒋᑦ ᓱᒃᑯᑌᓕᑎᑦᓯᓂᕐᒧᑦ ᐱᒍᓐᓇᓂᕐᒥᒃ, ᐊᑑᑎᓂᕐᒥᒃ ᐊᒻᒪᓗ ᐱᓇᓱᐊᕐᓂᒥᒃ ᐅᕕᒐᕐᓂᓴᓄᑦ ᑭᖑᕚᓄᑦ ᐊᒻᒪᓗ ᐅᑭᐅᖃᑎᖏᓐᓄᑦ.
ᐊᑭᓖᓗᑎᒃ ᐊᑦᑕᑐᕈᑎᑎᓐᓂᒃ
ᕿᒥᕐᕈᓂᖅ ᐱᓇᓱᐊᕐᑕᐅᕙᓪᓕᐊᔪᓂᒃ
“ᐊᑭᓖᓗᑎᑦ ᐊᑦᑕᑐᕈᑎᑎᓐᓂᒃ” ᐊᑐᕐᑕᐅᑎᑦᑎᒐᓱᐊᕐᓂᖅ ᐋᕐᕿᓱᕐᑕᐅᒪᔪᖅ ᐱᒍᒪᔭᐅᑎᑦᓯᒐᓱᐊᕐᓂᒧᑦ ᐊᑭᓕᕐᑐᐃᓂᕐᒥᒃ ᐊᑭᓖᒋᐊᖃᓕᑐᐊᕈᑎᒃ ᐊᑦᑕᑐᕐᑐᓂᒃ, ᐃᓗᕐᖁᓯᖃᕐᑎᓯᒐᓱᐊᕐᓂᒥᒃ ᑮᓇᐅᔭᓂᒃ ᑲᒪᒋᔭᖃᑦᓯᐊᓂᕐᒥᒃ ᐊᒻᒪᓗ ᓄᓇᓕᓐᓂ ᐃᑲᔪᕐᑐᐃᓂᕐᒥᒃ. ᑖᓐᓇ ᐱᒋᐊᕐᑎᑕᐅᓯᒪᔪᖅ ᐱᒻᒪᕆᐅᔪᖅ ᐃᑉᐱᒋᔭᖃᕐᓂᒧᑦ ᑲᔪᓯᑎᑦᓯᓂᕐᒥᒃ ᐊᒻᒪᓗ ᐊᑐᑦᓯᐊᑎᑦᓯᓂᕐᒥᒃ ᐃᓪᓗᓕᕆᓂᕐᒧᑦ ᐱᒍᑦᔭᐅᒍᑎᓂᒃ, ᐱᕙᓪᓕᑎᑦᓯᓱᓂ ᑕᒪᖏᓐᓂᒃ ᐊᑦᑕᑐᕐᑎᓂᒃ ᐊᒻᒪᓗ ᐊᖏᓂᕐᓴᒥᒃ ᓄᓇᓕᓐᓂ.
ᐊᖏᓂᖓ ᐊᑐᕐᑕᐅᑎᑦᑎᒐᓱᐊᕐᓂᖅ
ᐊᑐᕐᑕᐅᑎᑦᓯᒐᓱᐊᕐᓂᖅ ᑎᑭᐅᑎᒐᓱᐊᕐᑐᖅ ᐃᓘᓐᓇᖏᓐᓄᑦ ᐊᑦᑕᑐᕐᑎᓄᑦ ᐃᓪᓗᖃᕐᕕᐅᔪᓕᒫᓂ, ᑕᑯᓐᓇᓂᖃᓗᐊᖕᖑᐊᓱᑎᒃ ᑖᒃᑯᓂᖓ ᐊᔪᕐᓇᑐᒃᑰᖃᑦᑕᓯᒪᔪᓂᒃ ᐋᕐᕿᓯᒪᑎᑦᓯᓂᕐᒥᒃ ᐊᑦᑕᑐᕈᑎᓄᑦ ᐊᑭᓕᐅᑎᓂᒃ.
ᑐᕌᒐᖏᑦ
- ᖃᐅᔨᒪᓕᐅᒥᑎᑦᓯᓂᕐᒥᒃ: ᐃᓕᓐᓂᐊᑎᓗᒋᑦ ᐊᑦᑕᑐᕐᑏᑦ ᐱᒻᒪᕆᐅᓂᖓᓂᒃ ᐊᑭᓕᕐᑐᐃᖃᑦᑕᓂᖅ ᐊᑭᓖᕕᐅᒋᐊᓕᓐᓂ ᐊᒻᒪᓗ ᑐᕃᓐᓇᑐᒥᒃ ᓱᕐᕃᖃᑦᑕᓂᖓᓂᒃ ᐃᒃᓗᖃᕐᓂᒧᑦ ᐱᑦᔪᔨᒍᑎᓂᒃ.
- ᓴᐳᒻᒥᒍᑎᖃᕐᑎᓗᒋᑦ: ᒪᓂᒪᑎᑦᓯᓗᑎᒃ ᓯᕗᓕᕐᓂᒥᒃ ᐊᒻᒪᓗ ᐃᑲᔪᕐᓂᒥᒃ ᐊᑦᑕᑐᕐᑎᓄᑦ ᐅᑯᒣᑦᑐᑰᕐᑐᓂᒃ ᑮᓇᐅᔦᑦ ᐱᑦᔪᑎᒋᑦᓱᒋᑦ, ᑮᓇᐅᔭᓂᒃ ᐸᕐᓇᓯᒪᐅᑏᑦ ᐃᓚᐅᑎᓪᓗᒋᑦ ᐊᒻᒪᓗ ᑮᓇᐅᔭᕐᑎᒍᑦ ᐃᓱᐊᕐᓭᓂᕐᒥᒃ.
- ᒪᓕᑦᓯᐊᓂᕐᒥᒃ ᐱᒐᓱᐊᕐᑎᓗᒋᑦ: ᐊᑐᓕᕐᑎᓗᒋᑦ ᐊᑦᔨᒌᖕᖏᑐᓂᒃ ᐱᒍᒪᓕᕐᑎᓯᒍᑎᓂᒃ, ᐅᑯᓂᖓ ᐊᑭᑭᓪᓕᒋᐊᕈᑎᓂᒃ ᐊᒻᒪᓗ ᑐᓂᕐᖁᓯᐊᓂᒃ, ᐊᑦᑕᑐᕐᑎᓄᑦ ᐊᑭᓖᑦᓯᐊᖃᑦᑕᑐᓄᑦ ᐊᑭᓖᒋᐊᖃᓕᕋᒥᒃ.
- ᐊᑭᓕᑦᓴᖏᑦ ᒥᑭᓕᒋᐊᕐᑎᓗᒋᑦ: ᑐᕌᒐᖃᕐᓗᑎᒃ ᐊᖏᔪᒥᒃ ᒥᑭᓕᒋᐊᕆᓂᕐᒥᒃ ᐊᑭᒋᒐᔭᕐᑕᖏᑦ ᐊᑭᓖᒍᑎᖏᑦ ᐊᑭᓕᕆᐊᓕᑐᖃᕕᓂᕐᓄᑦ ᐃᒃᓗᖃᕐᕕᓕᒫᑦᑎᓂ.
ᐱᑐᓐᓂᖅ ᑐᓂᕐᖁᓯᐊᓄᑦ
ᐃᓚᒋᔭᐅᑎᓪᓗᒍ ᐊᑐᕐᑕᐅᑎᑦᓯᒐᓱᐊᕐᓂᒧᑦ, ᓄᐃᑎᑦᓯᕗᒍᑦ ᐊᒥᓱᓂᒃ ᐊᑭᑭᓪᓕᒋᐊᕐᓯᒪᔪᓂᒃ ᒪᓂᒪᑎᑕᐅᔪᓂᒃ, ᓵᓚᖃᐅᑎᓂᒃ ᐅᕝᕙᓘᓐᓃᑦ ᑐᓂᕐᕈᓯᐊᓂᒃ ᐊᑭᓖᖃᑦᑕᑐᓄᑦ ᑭᖑᕙᖕᖏᓱᑎᒃ. ᑖᒃᑯᐊ ᒪᓂᒪᑎᑕᐅᔪᑦ ᐋᕐᕿᓱᕐᑕᐅᓯᒪᔪᑦ ᑮᓇᐅᔭᑎᒍᑦ ᐃᑲᔪᕐᓯᒍᑎᓂᒃ ᐊᒻᒪᓗ ᐱᐅᓂᕐᓴᒥᒃ ᐱᒋᐊᓪᓚᑎᑦᓯᓂᕐᒥᒃ, ᐱᔭᕆᐊᑭᓪᓕᑎᕐᓱᒋᑦ ᐊᒻᒪᓗ ᐱᒍᒪᔭᐅᑎᒐᓱᐊᕐᓱᒋᑦ ᐊᑦᑕᑐᕐᑎᓄᑦ ᐃᒃᓗᒧᑦ ᐊᑦᑕᑐᕈᑎᒥᓃᖏᓐᓇᖁᓪᓗᒋᑦ. ᐊᑭᑭᓪᓕᒋᐊᕈᑎ ᐳᕐᑐᓕᕇᓐᓂᐊᑐᖅ ᒪᓕᓪᓗᒋᑦ ᐊᑭᓕᕐᑐᐃᓂᖏᑦ ᐊᑦᔨᒌᓕᑦᓯᐊᓂᖏᑦ, ᐊᖏᓂᕐᓴᒥᒃ ᓵᓚᖃᐅᑎᑖᖃᑦᑕᓗᑎᒃ ᐊᑯᓃᕐᑐᒥᒃ ᒪᓕᑦᓯᐊᓂᖏᑦ ᐊᑭᓖᕐᑐᐃᓂᖏᑦᑕ ᐅᓪᓗᖏᓐᓂᒃ.
ᓄᐃᑎᑕᐅᔪᑦ 2023-ᒥ ᐱᒋᐊᕐᑎᑕᐅᓯᒪᔪᓄᑦ
ᐋᕐᕿᓱᐃᓂᖅ ᑲᔪᓯᑦᓯᐊᑐᓂᒃ ᐊᒻᒪᓗ ᐃᓕᑦᑕᐅᓯᒪᔪᓂᒃ 2023-ᒥ ᐱᒐᓱᐊᕐᓯᒪᔭᕗᓐᓄᑦ ᑕᑯᓯᒪᔪᑦ ᐱᐅᓯᐅᒥᔪᓂᒃ ᐊᑭᓕᕐᑐᐃᓂᕐᓂᒃ ᐊᒻᒪᓗ ᐊᑦᑕᑐᕐᑏᑦ ᐱᓇᓱᐊᖃᑕᐅᓂᖏᓐᓂᒃ, ᐋᕐᕿᒋᐊᕆᕗᒍᑦ ᖃᓄᐃᓘᕈᑎᑦᑎᓂᒃ ᐊᖏᓂᕐᓴᒋᐊᓪᓚᒥᒃ ᓱᕐᕃᓂᐅᓚᖓᔪᓄᑦ. ᐊᓪᓚᑕᐅᓯᒪᔪᑦ 2023-ᒥ ᓄᐃᑕᑎᑦᓯᔪᑦ ᐊᑦᑕᑐᕐᑏᑦ ᐃᓚᐅᑦᓯᐊᖃᑦᑕᓂᖏᓐᓂᒃ ᐋᕐᕿᓱᕐᓯᒪᔪᓄᑦ ᐊᔭᐅᕆᒋᐊᕈᑎᓄᑦ ᐊᒻᒪᓗ ᑐᑭᓯᓇᑦᓯᐊᑐᓂᒃ ᑐᓴᐅᒪᑎᑦᓯᓂᕐᒧᑦ, ᕿᑎᖓᓃᓐᓂᐊᑐᖅ ᑕᒃᑲᓂ ᐊᕐᕌᒍᒥ ᐊᑐᕐᑕᐅᑎᑕᐅᒐᓱᐊᕐᑐᓄᑦ.
ᐱᓇᓱᐊᖁᔭᐅᓂᖅ
ᐱᒐᓱᐊᖁᔨᕗᒍᑦ ᐃᓘᓐᓇᖏᓐᓂᒃ ᐊᑦᑕᑐᕐᑎᓂᒃ ᐃᑲᔪᕐᑕᐅᒍᑎᓂᒃ ᐊᑐᑦᓯᐊᖁᓪᓗᒋᑦ ᐊᒻᒪᓗ ᐊᔭᐅᕆᒋᐊᕈᑎᓂᒃ ᐊᑐᐃᓐᓇᐅᑎᑕᐅᔪᓂᒃ “ᐊᑭᓖᓗᑎᒃ ᐊᑦᑕᑐᕈᑎᓂᒃ” ᐊᑐᕐᑕᐅᑎᑕᐅᒐᓱᐊᕐᑐᓄᑦ. ᐊᑕᐅᑦᓯᑯᑦ, ᐃᑉᐱᒍᓱᒍᓐᓇᖁᒍᑦ ᐊᑦᑕᓇᖕᖏᑐᒥᒃ ᐊᒻᒪᓗ ᑲᔪᓯᑦᓯᐊᑐᒥᒃ ᓄᓇᓕᒻᒥᒃ ᐃᓘᓐᓇᑎᒃ ᐃᓄᐃᑦ ᐱᒍᓐᓇᕕᓕᓐᓂᒃ ᐊᑦᑕᓇᖕᖏᑐᒥᒃ ᐊᒻᒪᓗ ᐊᑭᓕᕐᑐᑕᐅᑦᓯᐊᕈᓐᓇᑐᒥᒃ ᐃᒃᓗᖃᕐᑎᑕᐅᓂᕐᒥᒃ.
ᖃᓄᐃᖕᖏᓂᖅ ᐊᖏᕐᕋᒥ
ᖃᓄᐃᖕᖏᓂᖅ ᐊᖏᕐᕋᒥ ᐊᑦᑕᑐᕐᑎᓄᑦ ᖃᐅᔨᓴᐅᑎᐅᑦᓱᓂ ᐃᓚᐅᑎᑦᓯᓱᓂ ᐱᒋᐊᕐᑎᑕᐅᓯᒪᔪᖅ ᐋᕐᕿᓱᕐᑕᐅᓯᒪᔪᖅ ᐃᓚᐅᑎᑦᓯᓂᐅᕐᓱᓂ ᓄᓇᓕᒻᒥᐅᓂᒃ ᖃᐅᔨᓴᕐᓂᒧᑦ ᐃᓪᓗᖃᕐᕕᒥᓄᑦ ᐊᒻᒪᓗ ᓇᓗᓀᕐᓯᓂᕐᒧᑦ ᑭᖕᖒᒪᒋᔭᒥᓂᒃ. ᖃᐅᔨᒍᒪᒍᕕᑦ ᑖᑦᓱᒪ ᒥᑦᓵᓄᑦ, ᑕᑯᒋᐊᕐᓗᑎᑦ https://wellathome.kmhb.ca
ᐃᒃᓗᒥᒃ ᓇᒻᒥᓂᖃᕐᓂᖅ
ᓇᒻᒥᓂᖃᕐᓂᖅ ᐃᒃᓗᒥᒃ ᐱᓇᓱᐊᕐᑕᐅᓂᖓ (HOP) ᐋᕐᕿᓱᕐᑕᐅᓯᒪᔪᖅ ᐱᐅᓯᐅᒥᑎᑦᓯᒐᓱᐊᕐᓂᒧᑦ ᐃᓪᓗᕆᔭᐅᔪᑦ ᖃᓄᐃᓕᖓᓂᖏᓐᓂᒃ ᑕᕐᕋᒥ ᓄᓇᓕᖏᓐᓂ ᐊᒻᒪᓗ ᑲᔪᓯᑎᑦᓯᓂᐅᑦᓱᓂ ᓇᒻᒥᓂᖃᕐᓂᒥᒃ ᐃᒃᓗᒥᒃ. ᐱᓇᓱᐊᕐᑕᐅᔪᖅ ᐅᑯᓂᖓ ᐃᓚᐅᑎᑦᓯᔪᖅ
- ᐃᓕᓐᓂᐊᑎᑦᓯᓂᖅ ᐊᒻᒪᓗ ᓴᐳᒻᒥᓂᖅ: ᐱᑕᖃᕐᑎᓯᕗᑦ ᐃᒃᓗᒥᐅᖃᑎᒌᓂᒃ ᑐᓴᐅᒪᑎᑦᓯᓂᕐᒥᒃ ᓂᐅᕕᕐᓂᒧᑦ ᐊᒻᒪᓗ ᓴᓇᔭᐅᓂᖓᓄᑦ.
- ᐃᑲᔪᕐᑕᐅᒍᑎᓂᒃ: ᐃᑲᔪᓲᖑᕗᑦ ᐃᒻᒥᒎᕐᑐᓂᒃ ᓂᐅᕕᕐᓂᒧᑦ ᐅᕝᕙᓘᓐᓃᑦ ᓴᓇᓂᕐᒧᑦ ᐊᖏᕐᕋᓂᒃ ᐊᑭᑐᔫᓪᓗᐊᖏᑦᑐᓂᒃ.
- ᐋᕐᕿᒋᐊᕐᑕᐅᓂᖓᓄᑦ ᐃᑲᔪᕐᓯᒍᑎᓂᒃ: ᐊᑐᐃᓐᓇᐅᑎᑦᓯᓲᖑᕗᑦ ᑮᓇᐅᔭᑎᒍᑦ ᐃᑲᔪᕐᓯᒍᑎᓂᒃ ᐊᖏᕐᕋᒥᒃ ᓇᒻᒥᓂᓕᓐᓄᑦ ᐋᕐᕿᒋᐊᕐᑕᐅᒐᓱᐊᕐᑐᓄᑦ.
- ᐃᓐᓄᓯᒪᓂᖏᓐᓄᑦ ᐃᑲᔫᑏᑦ: ᐃᑲᔪᓲᑦ ᐊᑭᓖᑎᓪᓗᒋᑦ ᑲᔪᓯᔪᒥᒃ ᐊᑭᖏᓐᓄᑦ ᐆᑦᑐᑎᒋᓗᒍ ᑲᕙᒫᐱᒃᑯᓄᑦ ᑖᒃᓯᔭᕈᑎᓄᑦ ᐊᒻᒪᓗ ᐊᖏᕐᕋᖓᓄᑦ ᐃᒻᒪᖃᐅᑎᓄᑦ ᐊᑭᓕᕐᑐᐃᒍᑎᖏᓐᓄᑦ.
ᐱᒍᓐᓇᑎᑕᐅᓂᕐᒧᑦ ᒪᓕᒐᑦᓴᐅᔪᑦ:
ᐅᒃᑯᐃᖔᕐᑐᖅ ᓄᓇᕕᒻᒥᐅᓄᑦ ᐅᑭᐅᓕᓐᓄᑦ 18-ᓂᒃ ᐅᖓᑖᓄᓪᓗ ᑕᒫᓂᒥᐅᖑᓯᒪᑐᐊᕈᑎᒃ ᐊᕐᕌᒍᒥ ᐊᑕᐅᓯᕐᒥ, ᐅᕝᕙᓘᓐᓃᑦ ᐃᓄᐃᑦ ᐃᓚᐅᔫᒍᑎᓖᑦ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓄ ᐊᖏᖃᑎᒌᒍᑎᒧᑦ. ᐱᓇᓱᐊᖃᑎᒌᑦ ᐊᒻᒪᓗ ᑮᓇᐅᔭᓕᐅᕋᓱᐊᕐᑎᐅᖏᑦᑐᓗ ᐊᓪᓚᕕᒻᒪᕆᓖᑦ ᓄᓇᕕᒻᒥ, ᓇᒻᒥᓂᖃᕐᓱᑎᒃ ᐊᖏᕐᕋᕆᔭᐅᔪᓂᒃ ᐱᓇᓱᐊᕐᑕᐅᔪᕐᑎᒍᑦ ᐃᓗᐊᓂ ᑐᕌᒐᖓᑕ, ᑐᕌᖓᑎᑕᐅᔪᖅ ᐱᓇᓱᑦᑎᐅᖏᑦᑐᓄᑦ ᓄᓇᓕᒻᒥᐅᓄᑦ.
ᑮᓇᐅᔭᕐᓄᑦ ᐃᑲᔪᕐᑕᐅᒍᑎᓄᑦ ᑐᑭᓯᓇᕐᑎᓯᒍᑎ:
- ᓂᐅᕕᕐᓂᖅ ᐊᒻᒪᓗ ᓴᓇᔭᐅᓂᖓ: ᐃᑲᔪᕐᑕᐅᒍᑎ 75%-ᓄᑦ ᐃᓕᑕᕆᔭᐅᔪᑦ ᐊᑭᖓᓄᑦ ᓴᓇᓂᕐᒧᑦ ᐊᖏᕐᕋᒥᒃ, ᐊᖏᓕᒋᐊᕐᑕᐅᓲᖅ ᐃᑲᔪᕐᓯᒍᑎᖓ ᖃᓂᖕᖏᑐᒥᐅᓄᑦ ᓄᓇᓕᓐᓄᑦ. ᖄᖏᕐᓂᑯᓕᐅᕐᑎᐅᖏᑦᑐᓄᑦ ᐅᕝᕙᓘᓐᓃᑦ ᐃᒃᓗᖁᑏᑦ ᑲᑐᑦᔨᖃᑎᒌᖏᑦ, ᐃᑲᔪᕐᓯᒍᑎ 90%-ᖑᑎᓪᓗᒍ.
| ᐃᒃᓗᕆᔭᐅᔪᑦ ᖃᓄᐃᑑᓂᖓ | ᐅᓄᕐᓂᐹᖏᑦ ᐃᓕᑕᕆᔭᐅᔪᑦ ᐊᑭᖏᑦ | ᐃᑲᔪᕐᑕᐅᒍᑏᑦ |
|---|---|---|
| ᖃᕆᐊᖏᑦ | $430,000 | $322,500 |
| ᖃᕆᐊᖃᖕᖏᑐᖅ | $510,000 | $382,500 |
| 1 ᖃᕆᐊᖏᑦ | $570,000 | $427,500 |
| 2 ᖃᕆᐊᖏᑦ | $660,000 | $495,000 |
| 3 ᖃᕆᐊᖏᑦ | $700,000 | $525,000 |
| 4 ᖃᕆᐊᖏᑦ | $740,000 | $555,000 |
| 5 ᖃᕆᐊᖏᑦ | $790,000 | $592,500 |
| 6+ ᖃᕆᐊᖏᑦ | $830,000 | $622,500 |
- ᐊᑭᒋᐊᓪᓚᖏᑦ ᐅᓄᕐᓂᖏᑦ ᐃᓚᖏᓐᓄᑦ ᓄᓇᓕᓐᓄᑦ: ᐊᑦᔨᒌᖕᖏᑐᑦ ᓄᓇᓕᖏᑦ ᒪᓕᑦᓱᒋᑦ, ᐱᐅᓯᐅᒥᑎᑦᓯᓂᖅ ᐃᑲᔪᕐᓯᒍᑎᓂᒃ ᓇᓃᓐᓂᖓ ᒪᓕᓪᓗᒍ.
- ᐋᕐᕿᒋᐊᕐᑕᐅᒍᑎᖓᑕ ᐃᑲᔪᕐᑕᐅᒍᑎᖓ: ᐊᑭᓕᕐᑕᐅᓲᖅ 50%-ᖓ ᑲᑎᑎᓪᓗᒋᑦ ᐋᕐᕿᒋᐊᕐᑕᐅᒪᕆᒍᑎᖏᑦ ᐊᑭᖏᑦ $87,500-ᓄᑦ ᑎᑭᑦᓱᒍ, ᐃᑭᓐᓂᐹᓂᒃ ᐱᓇᓱᐊᕐᑕᐅᓂᖓᑕ ᐊᑭᖓ $20,000-ᓄᑦ ᑎᑭᑦᓱᒍ.
- ᐃᓐᓄᓂᖓᓄᑦ ᐃᑲᔪᕐᑕᐅᒍᑎᖓ: ᐃᑲᔪᕐᓯᓲᑦ 75%-ᓄᑦ ᐃᑲᔪᕐᑕᐅᒍᑎᓄᑦ ᑲᕙᒫᐱᒃᑯᓄᑦ ᑖᒃᓯᔭᕈᑎᓄᑦ ᐊᒻᒪᓗ 30%-ᓄᑦ ᐊᖏᕐᕋᖓᑕ ᐃᒻᒪᖃᐅᑎᖓᓄᑦ ᐊᑭᓕᕐᑕᐅᒍᑎᖓᓄᑦ, ᐃᑲᔪᕐᑕᐅᒍᓐᓇᑐᑦ ᐊᕐᕌᒍᓄᑦ 15-ᓄᑦ ᑎᑭᓪᓗᒍ ᐊᒻᒪᓗ ᓄᑕᐅᓯᓕᕈᓐᓇᓱᓂ ᐊᕐᕌᒍᓂ ᑕᓪᓕᒪᓂ ᑕᒫᑦ.
ᐱᒍᓐᓇᑎᑕᐅᔪᑦ ᐃᒃᓗᐃᑦ
ᐊᖏᕐᕋᕆᔭᐅᔪᑦᓴᐅᒋᐊᓕᒃ ᐅᕝᕙᓘᓐᓃᑦ ᐃᓚᖓ ᐊᖏᕐᕋᕆᔭᐅᓗᓂ, ᒪᓕᓪᓗᓂ ᓄᓇᓕᓐᓂ ᐸᕐᓇᓯᒪᐅᑎᒻᒪᕆᒻᒧᑦ ᐊᒻᒪᓗ ᐃᓂᖃᕆᐊᖃᕐᓱᓂ 14-ᓂ ᑕᕐᕋᒥ ᓄᓇᓖᑦ ᐃᓗᐊᓂ.
ᑖᓐᓇ ᓀᑦᑐᖅ ᐃᓘᓐᓈᒍᑦ ᐅᓂᒃᑲᐅᓯᐅᓂᖓ ᐱᓇᓱᐊᕐᑕᐅᔪᒧᑦ ᐱᑕᖃᕐᑎᓯᔪᖅ ᑐᓴᕐᑕᐅᒋᐊᓕᓐᓂᒃ ᐱᕙᓪᓕᖁᑎᓂᒃ, ᐱᒍᓐᓇᑎᑕᐅᔪᓂᒃ ᐊᒻᒪᓗ ᑮᓇᐅᔭᕐᑎᒍᑦ ᐃᑲᔪᕐᑕᐅᒍᑎᓄᑦ, ᖃᐅᔨᒪᒍᑎᐅᑦᓱᑎᒃ ᐱᒐᓱᐊᑐᐃᓐᓇᕆᐊᓕᓐᓄᑦ ᐱᒍᓐᓇᑕᖏᓐᓂᒃ ᐊᖏᕐᕋᒥᒃ ᓇᒻᒥᓂᕐᑖᓂᕐᒧᑦ ᐊᒻᒪᓗ ᐱᐅᓯᐅᒥᑎᑦᓯᓂᕐᒧᑦ ᓄᓇᕕᒻᒥ ᓄᓇᖓᓂᒃ.
ᐊᑎᓕᐅᕈᒪᔪᑦ ᐱᓇᓱᐊᕐᑕᐅᔪᒧᑦ ᐅᕝᕙᓘᓐᓃᑦ ᑐᑭᓯᒋᐊᑦᓯᐊᕈᒪᒍᑎᒃ ᑖᑦᓱᒪ ᒥᑦᓵᓄᑦ, ᖃᐅᔨᒋᐊᕐᕕᒋᓗᒋᑦ ᓄᓇᕕᒻᒥ ᐃᓪᓗᓕᕆᔨᒃᑯᑦ ᐊᓪᓚᕕᖓ ᓄᓇᕕᒻᒥ.
homeownership@nunavikhb.ca
ᑖᓐᓇ ᐱᓇᓱᐊᕐᓂᖅ ᐱᒍᓐᓇᑎᑕᐅᕗᖅ ᑮᓇᐅᔭᖃᕐᑎᑕᐅᓪᓗᑯᒐᒥ ᑯᐯ ᐃᓪᓗᓕᕆᔨᕐᔪᐊᑯᖏᓐᓄᑦ.
