Nunavik Weather
Akulivik
Aupaluk
Inukjuak
Ivujivik
Kangiqsualujjuaq
Kangiqsujuaq
Kangirsuk
Kuujjuaq
Kuujjuarapik
Puvirnituq
Quaqtaq
Salluit
Tasiujaq
Umiujaq
ᐱᓇᓱᓐᓂᖅ ᐃᓪᓗᓕᕆᔨᒃᑯᑦ ᐊᓪᓚᕕᖓᓂ ᓄᓇᕕᒻᒥ ᐃᒫᒃ ᑐᑭᓕᒃ
ᐃᑲᔪᕐᓯᓂᖅ ᐱᑕᖃᕐᑎᓯᓂᕐᒧᑦ ᐊᑦᑕᓇᕐᑐᒦᓐᓇᖏᑦᑐᓂᒃ, ᐃᓱᕐᕆᓇᕐᑐᓂᒃ, ᐊᒻᒪᓗ ᐃᓗᕐᖁᓯᕐᒧᑦ ᓈᒻᒪᓈᕐᑐᓂᒃ ᐃᓪᓗᓂᒃ ᐃᓄᑐᐃᓐᓇᓄᑦ ᐊᓂᕐᕋᓕᐅᔪᓄᑦ. ᑐᑭᓕᒃ ᐊᓯᑦᔨᕙᓪᓕᐊᓂᖅ ᐊᑦᔨᐅᖏᑦᑐᒥ ᐅᑭᐅᕐᑕᑐᒥ ᐊᕙᑎᒥ ᐱᓇᓱᖃᑎᒌᓐᓂᖅ, ᓱᖏᐅᑎᒍᓐᓇᓂᖅ, ᐊᒻᒪᓗ ᓄᑖᓂᒃ ᐊᑐᕈᓐᓇᓂᖅ ᐱᑕᖃᓪᓚᕆᒋᐊᖃᕐᑎᓗᒋᑦ ᓴᐳᑦᔨᓂᕐᒧᑦ 4,200-ᓂᒃ ᐊᒥᓲᓂᕐᓴᓂᒃ ᐃᓄᐃᑦ ᐃᓪᓗᖏᓐᓂᒃ ᖁᓕᓪᓗ ᓯᑕᒪᓪᓗᓂ ᓄᓇᓕᓐᓂ ᓄᓇᕕᒻᒥ.
ᐃᓚᒋᔭᐅᓕᕈᕕᑦ ᐃᓪᓗᓕᕆᔨᒃᑯᑦ ᐊᓪᓚᕕᖓᓄᑦ ᓄᓇᕕᒻᒥ, ᑐᕃᓐᓇᑐᒥᒃ ᐃᑲᔪᕐᓯᒍᓐᓇᑐᑎᑦ ᓱᒃᑯᑎᑕᐅᑦᑌᓕᓂᖏᓐᓄᑦ ᐊᒻᒪᓗ ᐱᐅᓯᒋᐊᕐᑕᐅᒐᓱᓐᓂᖏᓐᓄᑦ ᐃᓪᓗᐃᑦ, ᓴᐳᑦᔭᐅᓗᑎᑦ ᐱᓇᓱᖃᑎᒌᑦᑐᓄᑦ 145-ᓄᑦ ᐱᓇᓱᑦᑎᓄᑦ ᐱᓇᓱᖃᑦᑕᑐᓄᑦ ᐅᓪᓗᑕᒫᑦ ᓄᓇᓕᓐᓂ.
ᑮᓇᐅᑦᔭᓵᑦ ᐊᒻᒪᓗ ᐱᕙᓪᓕᖁᑏᑦ
- ᑲᑎᑦᓱᑎᒃ ᐊᑭᓕᕐᑕᐅᒍᑏᑦ ᐃᓚᖃᕐᓱᑎᒃ ᐃᓅᒐᓱᐊᕐᓂᐅᑉ ᐊᑭᑐᔫᓂᖓᓄᑦ ᐃᑲᔪᕐᓯᒍᑎᓂᒃ ᐊᒻᒪᓗ ᓂᕿᓯᓂᕐᒧᑦ ᐃᑲᔪᕐᓯᒍᑎᓂᒃ, ᑎᑭᑦᑐᑦ $166,000.00-ᓄᑦ ᐊᕐᕌᒍᑕᒫᑦ, ᒪᓕᑦᓱᒍ ᐱᓇᓱᑦᓯᒪᓂᖓ
- ᐊᕐᕌᒍᑕᒫᑦ ᖃᖓᑦᑕᐅᑏᑦ ᓇᒻᒥᓂᖅ ᖃᖓᑕᓂᕐᒧᑦ ᐊᑯᓐᓂᖓᓂ ᑰᑦᔪᐊᖅ ᐊᒻᒪᓗ ᑯᐯᒃᓕᒫᖅ
- ᐃᓪᓗᖃᕐᑎᑕᐅᓂᖅ ᒪᓕᑦᓱᒋᑦ ᒫᓐᓇ ᒪᓕᒐᐅᔪᑦ
- 35 ᑕᙯᕐᓯᓀᑦ ᐅᓪᓗᐃᑦ, ᐊᑭᓕᕐᑕᐅᒍᓐᓇᑐᑦ ᐊᕐᕌᒎᑉ ᐃᓱᐊᓂ
- 16 ᕿᑲᕐᕕᐅᓚᕆᒋᐊᓖᑦ ᐅᓪᓗᐃᑦ, ᐊᑭᓕᕐᑕᐅᒍᓐᓇᑐᑦ ᐊᕐᕌᒎᑉ ᐃᓱᐊᓂ
- 12 ᖃᓂᒪᓂᕐᒧᑦ ᕿᑲᕐᓀᑦ ᐅᓪᓗᐃᑦ
- ᓄᐊᑦᓯᒍᓐᓇᓂᖅ ᓴᓂᕐᕓᓗᓂ 80-ᓂᒃ ᑫᕙᓪᓚᒍᓯᕐᓂᒃ (10 ᐅᓪᓗᐃᑦ)
- ᐱᓇᓱᖃᑎᒌᑦᑐᑦ ᐃᒻᒪᖃᐅᑎᖏᑦ
- ᐅᑭᐅᖏᑦ ᓈᒻᒪᓯᑉᐸᑕ ᐱᓇᓱᒍᓐᓀᕈᓂ ᑮᓇᐅᑦᔭᓵᑦᓴᓂᒃ ᐸᕐᓇᓯᒪᐅᑎ ᐱᓇᓱᕝᕕᐅᔪᖅ ᐃᑲᔪᕐᓯᑎᓪᓗᒍ
- ᐱᓇᓱᓐᓂᒧᑦ ᐊᕐᕕᑕᕐᓂᒥᒃ ᐱᕕᑦᓴᖃᕐᓂᖅ ᖁᓕᓪᓗ ᐱᖓᓱᓪᓗᓄᑦ ᐊᓯᖏᓐᓄᑦ ᓄᓇᓕᓐᓄᑦ ᓄᓇᕕᒻᒥ
ᐃᓚᒋᔭᐅᓗᑎᑦ ᐱᓇᓱᖃᑎᒌᑦᑐᖁᑎᑦᑎᓄᑦ, ᐱᓇᓱᕝᕕᖃᓚᖓᔪᑎᑦ ᑲᑐᑦᔨᖃᑎᒌᓐᓂᖃᑦᓯᐊᑐᒥ ᐊᒻᒪᓗ ᐃᑲᔪᕐᓯᔪᒥ ᐱᓇᓱᕝᕕᒥ ᐱᒍᓐᓇᓂᑎᑦ ᓱᕐᕃᓂᖃᓪᓚᕆᑦᑎᓗᒋᑦ ᓄᓇᕕᒻᒥ ᓄᓇᓕᓐᓂᒃ.
ᐱᔭᑦᓴᕆᓗᐊᖕᖑᐊᑕᖏᑦ ᐊᒻᒪᓗ ᑲᒪᒋᔭᑦᓴᔭᖏᑦ
- ᐸᕐᓇᖃᑦᑕᓗᓂ ᐊᒻᒪᓗ ᑐᑭᒧᐊᑦᑎᓯᓗᓂ ᐃᓪᓗᔪᐊᓂᒃ ᓱᒃᑯᑎᑦᓯᑌᓕᓂᕐᒧᑦ ᐱᓇᓱᐊᕐᓂᓂᒃ ᐊᑐᐃᓐᓇᐅᑎᑦᓯᓯᐊᕋᓱᓪᓗᓂ ᐃᓪᓗᓴᓂᒃ, ᐊᑐᕋᑦᓴᓂᒃ, ᐊᒻᒪᓗ ᐃᖏᕐᕋᑎᑦᓯᓂᕐᒧᑦ ᓴᐳᑦᔨᓂᕐᒥᒃ ᓄᓇᕕᒻᒥ ᓄᓇᓕᓕᒫᓂ
- ᑲᒪᒋᔭᖃᖃᑦᑕᓗᓂ, ᓄᕐᖃᖓᑎᑦᓯᓂᕐᒧᑦ, ᐋᕐᖀᒋᐊᕐᓂᒧᑦ, ᐊᒻᒪᓗ ᐃᓪᓗᔪᐊᓂᒃ ᐱᐅᓯᒋᐊᕆᓂᕐᒧᑦ ᐱᓇᓱᐊᕐᓂᓂᒃ ᐃᓪᓗᓕᕆᔨᒃᑯᑦ ᐊᓪᓚᕕᖓᑕ ᓄᓇᕕᒻᒥ ᐱᖁᑎᖏᓐᓄᑦ
- ᐊᐅᓚᑦᓯᖃᑦᑕᓗᓂ, ᐊᐅᓚᑦᔦᖃᑦᑕᓗᓂ, ᐊᒻᒪᓗ ᓴᐳᑦᔨᖃᑦᑕᓗᓂ ᐊᑦᔨᒌᖕᖏᑐᓂᒃ ᐱᓇᓱᒐᓕᓐᓂᒃ ᐱᓇᓱᖃᑎᒌᑦᑐᓂᒃ ᐊᖓᔪᕐᖄᖑᕕᒻᒥᓂᒃ ᑫᓪᓗᑐᐃᓗᓂ ᑲᑐᑦᔨᖃᑎᒌᓐᓂᒥᒃ, ᐱᒍᓐᓇᓯᕙᓪᓕᐊᓂᕐᒥᒃ, ᐊᒻᒪᓗ ᐱᓇᓱᐊᑦᓯᐊᓂᕐᒥᒃ
- ᑐᑭᒧᐊᑦᑎᓯᖃᑦᑕᓗᓂ ᐱᖁᑎᓂᒃ ᓱᓇᒐᓚᖃᐅᑎᒦᑦᑐᓂᒃ ᑲᑐᑦᔨᖃᑎᒋᒐᓱᓪᓗᒋᑦ ᓂᐅᕕᕋᕐᓂᓕᕆᓂᕐᒥᒃ ᐱᓇᓱᑦᑏᑦ ᐊᑑᑎᖃᑦᓯᐊᑎᑦᓯᒐᓱᓪᓗᑎᒃ ᓱᓇᒐᓚᖃᐅᑎᒥᒃ ᐊᐅᓚᑦᓯᓂᕐᒥᒃ ᐊᒻᒪᓗ ᐃᓪᓗᓭᑦ ᐊᑐᐃᓐᓇᐅᓂᖏᓐᓂᒃ ᒥᑭᓕᒋᐊᕆᖏᓐᓇᓗᑎᒃ ᐊᓯᐅᔨᓂᕐᓂᒃ ᐊᒻᒪᓗ ᓱᓇᒐᓚᖃᑦᓯᐊᖏᓐᓂᒥᒃ
- ᐊᐅᓚᑦᓯᓯᐊᕋᓱᓪᓗᓂ ᐊᕐᕌᒍᓕᒫᒧᑦ ᑮᓇᐅᔭᑎᒍᑦ ᑐᕌᒐᕐᓂᒃ
- ᑫᓪᓗᑐᐃᖃᑦᑕᓗᓂ ᐊᑐᕐᓂᒥᒃ ᐱᓇᓱᒍᓯᑦᓯᐊᖑᓂᕐᐹᓂᒃ ᐱᓇᓱᕝᕕᒥ ᖃᓄᐃᖕᖏᓯᐊᕐᓂᒧᑦ ᐊᒻᒪᓗ ᐊᑦᑕᓇᕐᑐᒦᑦᑌᓕᓂᕐᒧᑦ
- ᓴᐳᑦᔨᖃᑦᑕᓗᓂ ᐱᓇᓱᑦᑏᑦ ᐱᒍᓐᓇᓯᕙᓪᓕᐊᓂᖏᓐᓂᒃ ᐃᓕᓐᓂᐊᑎᑦᓯᓂᒃᑯᑦ, ᐃᒫᙰᕐᓂᑯᑦ, ᐊᒻᒪᓗ ᐱᓇᓱᐊᕐᓂᒥᓂᒃ ᐊᐅᓚᑦᓯᓯᐊᕐᓂᑯᑦ
ᐃᓕᓐᓂᐊᓯᒪᒋᐊᓕᖏᑦ ᐱᓇᓱᑦᓯᒪᒋᐊᓕᖏᓪᓗ
- ᐳᕐᑐᓂᕐᓴᒋᐊᓪᓚᒥᑦ ᐱᔭᕇᕈᑎ ᐃᓕᓐᓂᐊᓂᕐᒥᒃ ᐱᑐᑦᓯᒪᔪᒥᒃ ᐃᓪᓗᓕᐅᕐᓂᒧᑦ, ᐃᓪᓗᓕᐅᕐᑐᓂᒃ ᐊᐅᓚᑦᓯᓂᕐᒥᒃ, ᐱᖁᑎᒻᒪᕆᓕᐅᕐᓂᒥᒃ, ᐅᕝᕙᓘᓐᓃᑦ ᐊᓯᖏᓐᓂᒃ ᑌᒣᑦᑐᓅᓕᖓᔪᓂᒃ ᐃᓕᓐᓂᐊᒐᕐᓂᒃ
- ᐃᑭᓐᓂᐸᐅᑎᓪᓗᒋᑦ ᑕᓪᓕᒪᓂᒃ (5) ᐊᕐᕌᒍᓂᒃ ᑌᒣᑦᑐᒨᓕᖓᔪᒥᒃ ᐱᓇᓱᑦᓯᒪᓗᓂ, ᐃᓚᖃᕐᑎᓗᒋᑦ ᐃᑭᓐᓂᐸᐅᑎᓪᓗᒋᑦ ᐱᖓᓱᓂᒃ (3) ᐊᕐᕌᒍᓂᒃ ᑲᒪᔨᒻᒪᕆᐅᓯᒪᓗᓂ ᐅᕝᕙᓘᓐᓃᑦ ᐊᖓᔪᕐᖄᕆᔭᐅᓯᒪᓗᓂ ᐱᓇᓱᑦᑎᓄᑦ
- ᑌᒣᑦᑐᒨᓕᖓᔪᒋᐊᓪᓓᑦ ᐱᓇᓱᑦᓯᒪᔭᖏᑦ ᐱᔭᕇᕈᑎᑖᕐᓯᒪᖕᖏᐸᑦ ᐱᔭᕇᕈᑎᒥᒃ ᐃᓇᖐᒍᓐᓇᑐᑦ
- ᐱᓇᓱᑦᓯᒪᓪᓚᕆᓪᓗᓂ ᐃᓪᓗᔪᐊᓂᒃ ᓱᒃᑯᑎᑦᓯᑌᓕᓂᕐᒥᒃ ᐱᓇᓱᐊᕐᓂᓂᒃ ᐊᐅᓚᑦᓯᓂᕐᒥᒃ
- ᑮᓇᐅᔭᑎᒍᑦ ᑐᕌᒐᓕᐅᕐᓂᒥᒃ ᐱᓇᓱᐊᕐᓯᒪᓗᓂ ᐊᒻᒪᓗ ᑮᓇᐅᔭᓂᒃ ᐃᑉᐱᒋᔭᖃᕐᓂᒥᒃ
ᐱᒍᓐᓇᓂᖏᑦ:
- ᐊᐅᓚᑦᔦᒍᓐᓇᓗᓂ ᓯᕗᓕᕐᑎᐅᓂᖅ
- ᐋᕐᕿᓱᐃᒍᓐᓇᓂᕐᒥᒃ, ᐸᕐᓀᕈᓐᓇᓂᕐᒥᒃ, ᐊᒻᒪᓗ ᓯᕗᓪᓕᐅᔭᐅᒋᐊᓕᓐᓂᒃ ᐊᐅᓚᑦᓯᒍᓐᓇᓂᕐᒥᒃ ᐱᒍᓐᓇᓯᐊᕖᖕᖓᓗᓂ
- ᐱᓇᓱᒍᓐᓇᓗᓂ ᐊᔭᐅᕐᑕᐅᓗᓂ ᐊᒻᒪᓗ ᑲᒪᒍᓐᓇᓗᓂ ᐊᒥᓱᓂᒃ ᐱᓇᓱᐊᕆᐊᓕᓐᓂᒃ ᐊᑕᐅᑦᓯᑯᑦ
- ᑐᓴᐊᒪᖃᑦᑕᐅᑎᒍᓐᓇᓯᐊᕐᓗᓂ, ᐊᖏᖃᑎᒌᒐᓱᐊᖃᑎᖃᕈᓐᓇᓯᐊᕐᓗᓂ, ᐊᒻᒪᓗ ᐱᓀᓗᑕᓂᒃ ᐋᕐᖀᒍᓐᓇᓯᐊᕐᓗᓂ
- ᑲᔪᖏᕐᓭᒍᓐᓇᓗᓂ ᐱᓇᓱᖃᑎᒌᑦᑐᓂᒃ ᐃᓗᕐᖁᓯᖃᑎᒌᖕᖏᑐᐃᑦ ᐱᓇᓱᕝᕕᖓᓂ
- ᖃᐅᔨᓴᕈᓐᓇᓯᐊᕐᓗᓂ ᐊᒻᒪᓗ ᑐᑭᑖᑦᓯᐊᕈᓐᓇᓗᓂ
- ᖃᐅᔨᒪᑦᓯᐊᓗᓂ ᖃᕆᑕᐅᔭᓂᒃ ᐱᓇᓱᒍᑎᓂᒃ ᐊᒻᒪᓗ ᐊᐅᓚᑦᓯᒍᑎᓂᒃ
- ᐅᖄᒍᓐᓇᓯᐊᕐᓗᓂ ᒪᕐᕉᓂᒃ ᐅᖃᐅᓰᓐᓂᒃ ᐅᑯᓇᖕᖓᑦ ᐅᖃᐅᓯᕐᓂᑦ: ᐅᐃᒍᐃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐃᓄᑦᑎᑐᑦ
ᓄᓇᕕᒻᒥᐅᖑᓯᒪᓂᖅ
ᐱᓇᓱᓐᓂᖅ ᓄᓇᕕᒻᒥ ᑐᑭᓕᒃ ᖃᐅᔨᓂᕐᒥᒃ ᐊᖏᔪᓂᒃ ᐊᒻᒪᓗ ᐱᐅᔪᒻᒪᕆᓐᓂᒃ ᐅᑭᐅᕐᑕᑐᒥ ᓄᓇᓂᒃ, ᐱᑕᖃᑦᓯᐊᑐᖅ ᐊᒻᒪᓗ ᑐᖕᖓᓇᕐᓱᓂ ᐃᓄᑐᐃᓐᓀᑦ ᐃᓗᕐᖁᓯᖓ, ᐊᒻᒪᓗ ᐊᑦᔨᐅᖏᑦᑐᖅ ᐊᒻᒪᓗ ᐱᓪᓚᕆᒃ ᐃᓅᑦᓯᖅ.
ᐃᓚᐅᒋᑦ ᐱᓇᓱᖃᑎᒌᑦᑐᖁᑎᑦᑎᓄᑦ!
ᐊᐅᓪᓚᑎᒍᒃ ᐃᓕᓐᓂᐊᓯᒪᔭᑎᓐᓂᒃ ᐱᓇᓱᑦᓯᒪᔭᑎᓐᓂᓗ ᐊᓪᓚᓯᒪᔪᕐᑕᓕᒃ ᐱᓇᓱᒐᕐᑖᕋᓱᐊᕈᑏᑦ ᐅᕗᖓ
Human Resources
P.O. box 1200 – Kuujjuaq, QC J0M 1C0
(819) 964-2000 Ext: 284